छत्रपती संभाजीनगर : पतीकडून पैशांसाठी पत्नीचा छळ होत असे तर दिराकडून वहिणीचा विनयभंग होत असे. हा प्रकार कोणाला सांगितल्यास ठार मारुन टाकण्यासह व्हिडीओ सोशल मिडीयावर व्हायरल करण्याची दिराकडून धमकी मिळत असे. अखेर विवाहितेने या त्रासाला कंटाळून जवाहरनगर पोलिस ठाण्यात कौटुंबिक हिंसाचार, पैसे मागणे आणि विनयभंगाची तक्रार नोंदवली.
याप्रकरणी पतीसह दीराविरोधात गुन्हा दाखल झाला आहे. हा प्रकार २५ मे २०१८ पासून आजपर्यंत इंदिरानगर परिसरात घडत होती.
विवाहितेने दिलेल्या फिर्यादीनुसार, तिचा ३२ वर्षीय पती हा तिला नेहमीच ‘तुझ्या बापाने लग्नात काहीच साहित्य दिले नाही, तसेच मला दुकान टाकण्यासाठी माहेरहून ५० हजार रुपये घेऊन ये, असे म्हणत शारिरिक, मानसिक छळ करत असे. याशिवाय तिचा दीर हा विवाहितेशी लगट करत जवळीक साधण्याचा प्रयत्न करत असे.
त्याने एक दिवस वहिनीला स्वतःकडे ओढत तिचा विनयभंग केला. तसेच तिला मारहाण करुन हा प्रकार जर कोणाला सांगितला तर ठार मारुन टाकेन तसेच तुझे व्हिडीओ सोशल मिडीयावर व्हायरल करेन अशी धमकी दिली.
विशेष म्हणजे पिडीतेने पतीला ‘तुमचा भाऊ वारंवार जवळीक साधण्याचा प्रयत्न करत असल्याची तक्रार पतीकडे केली असता, पतीने चक्क ‘माझ्या भावाला काही बोलायचे नाही, तो जसे बोलते तसेच करायचे.’ असे सांगितले. अनेक वर्षे हा प्रकार सहन केल्यानंतर अखेर पिडीतेने पोलिसांत फिर्याद दिली. त्यावरुन दोघांविरोधात गुन्हा दाखल झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
