छ्त्रपती संभाजीनगर : लायन्स क्लब औरंगाबाद-चिकलठाणातर्फे आणि महात्मा गांधी मेमोरियल रिसर्च सेंटर तसेच औरंगाबाद ड्रगिस्ट अँड केमिस्ट असोसिएशन यांच्या सहकार्याने डॉ. शरदकुमार दीक्षित यांच्या स्मृतिप्रीत्यर्थ आयोजित ४७ व्या मोफत प्लास्टिक सर्जरी शिबिराचे उद्‍घाटन लायन्स प्रांतपाल सुनील देसरडा यांच्या हस्ते बुधवारी (ता.१३) करण्यात आले.
सिडकोतील लायन्स आय हॉस्पिटल येथे झालेल्या या कार्यक्रमावेळी व्यासपीठावर अमेरिकेहून आलेले डॉ. राज लाला, लायन्स प्रांतपाल सुनील देसरडा, डॉ. अमित बसन्नवार यांच्यासह क्लबच्या अध्यक्ष डॉ. उज्वला दहीफळे, प्रकल्प प्रमुख भूषण जोशी, एमजीएमचे डीन डॉ. राजेंद्र बोहरा, ड्रुगिस्ट अँड केमिस्ट असोसिएशनचे अध्यक्ष नितीन देशमुख, क्लब सचिव संदीप ताठे, सिटी क्लबचे रवी राजपाल यांची उपस्थिती होती.
यावेळी गोरगरीब रुग्णांच्या चेहऱ्यावर हसू फुलविणाऱ्या, त्यांच्या आयुष्यात आनंद निर्माण करणाऱ्या प्रकल्पाला डॉ. शरदकुमार दीक्षित यांच्या थोर आणि समर्पणभावनेच्या कार्याची असलेली परंपरा अशीच पुढे नेण्याचा संकल्प व्यक्त करण्यात आला.
या शिबिरात नाकावरील बाह्य विकृती, चेहऱ्यावरील व्रण व डाग, दुभंगलेले ओठ, पडलेली पापणी आदींवर शस्त्रक्रिया करण्यात येणार आहेत. उदघाटन कार्यक्रमानंतर लगेच रुग्णांच्या तपासणीला प्रारंभ करण्यात आला. बुधवारी ४७२ रुग्णांची तपासणी करण्यात आली. त्यापैकी ३५० रुग्णांवर शस्त्रक्रिया केली जाणार आहे. पुढील चार दिवसात एमजीएम हॉस्पिटलमध्ये या शस्त्रक्रिया होतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
