Maratha Reservation: "२४ डिसेंबरच्या आत मराठ्यांना आरक्षण द्यायचं आहे, लवकर टाईम बॉन्ड द्यावा"; मनोज जरांगे काय म्हणाले?

Maratha Reservation: मराठा आरक्षणासाठी मनोज जरांगे यांनी सरकारला लिखित टाईम बॉन्ड मागितला आहे. सरकारचे शिष्टमंडळ आज मनोज जरांगे यांची भेट घेण्याची शक्यता आहे. आरक्षणाच्या मुदतीवरुन मराठा समाज आणि सरकारमध्ये मतभेद निर्माण होण्याची शक्यता आहे. सरकारने सांगितलं म्हणून त्यांना वेळ वाढवून दिला. त्यामुळे लवकर टाईम बॉन्ड द्यावा, अशी मागणी मनोज जरांगे पाटील यांनी केली आहे.

आम्हाला २४ डिसेंबरच्या आतमध्ये मागणीनुसार मराठ्यांना आरक्षण द्यायचे आहे. त्यामुळे सरकारने वेगात काम करावे. तसेच मुख्यमंत्री एकनाथ शिंदे यांनी यामध्ये लक्ष घालावी, अशी विनंती मनोज जरांगे यांनी केली.

मराठा समाजासोबत लिंगायत, मारवाडी, धनगर, माळी या समाजातील देखील कुणबी नोंदी आढळल्या यांना आरक्षण मिळावं का?, यावर मनोज जरांगे म्हणाले, नोंदी असतील तर आरक्षण द्यायला हवे. धनगर समाज एकत्र आला तर त्यांना लवकर न्याय मिळेल. परंतू भावनेच्या आहारी जाऊ नका, असे मनोज जरांगे पाटील म्हणाले. (Maratha Reservation Update)

महाराष्ट्रभर मुख्यमंत्र्यानी लक्ष घालून प्रमाणपत्र देण्याची गती वाढवावी. टाईम  बॉन्ड ठरला तो आपण तातडीने द्यावा. नोंदीचा काम वेगाने सुरू त्याचं कौतुक आहे, असे जरांगे पाटील म्हणाले. तसेच सरकारने समीतीला बजेट कमी पडू देऊ नये, संध्याकाळपर्यंत निधी जाहीर करावा, असे नाही केल्यास आम्हाला वेगळी भूमिका घ्यावी लागेल, असा इशारा देखील जरांगेंनी दिला आहे.

सरकारने ओबीसी नेत्यांचे लाड थांबवावे आणि मराठा आरक्षणाकडे जास्त लक्ष द्यावे, सरकारने मराठा समाजाचे हीत आणि भावना लक्षात घ्यावे. मराठा समाजाच्या नेत्यांनी देखील लक्ष द्यावे, नाहीतर परीणाम शांततेत का होईना, पण ते दिसतील, असा इशारा मनोज जरांगे पाटील यांनी दिला आहे.  (Latest Marathi News)

ओबीसी समाजाला जास्त निधी दिल्या जातो तसा निधी मराठा समाजाला देखील द्यावा, अशी मागणी जरांगे पाटील यांनी केली. आम्हाला ओबीसीमध्ये घ्या मग तुम्ही आरक्षणाची टक्केवारी कितीही वाढवा. आरक्षण वाढवायचं गाजर दाखवून नका, असा इशारा देखील जरांगेंनी दिला.