औरंगाबाद: कोरोना संसर्गाची दुसरी लाट नियंत्रणात येत असताना आत म्युकर मायकोसिस आजाराने डोके वर काढले आहे. बुधवारी (ता. २६) एकाच दिवशी सहा जणांचा मृत्यू झाल्याने खळबळ उडाली आहे. सध्या शहरात ४३९ जणांवर उपचार सुरू आहेत.
म्युकर मायकोसिसच्या आजाराचे बळी दिवसेंदिवस वाढत आहेत. या आजाराने त्रस्त असलेल्या नागरिकांवर उपचार करण्यासाठी औषधींचा साठा उपलब्ध करून दिला जात आहे. पण आजारावर नियंत्रण मिळविण्यात यंत्रणेला अपयश आले आहे. त्यामुळे या आजारामुळे मृत्यूची संख्या झपाट्याने वाढत आहे.
म्युकर मायकोसिसमुळे बुधवारी (ता. २६) शहरात सहा जणांचा मृत्यू झाला. घाटी रुग्णालयात चार तर खासगी रुग्णालयात दोघांचा मृत्यू झाला. या आजाराने शहरात आत्तापर्यंत मृत्यू झालेल्यांची संख्या ६२ एवढी झाली आहे तर सध्या ४३९ रुग्ण सध्या विविध रुग्णालयात उपचार घेत आहेत. या आजारावर मात करून २०६ जण घरी गेले आहेत, असे प्रशासनातर्फे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
