औरंगाबादेत थरार ! जुन्या वादातून तरुणाचा नऊ जणांनी केला खून

औरंगाबाद : जुन्या वादातून एका तरुणाचा नऊ जणांनी खून केल्याची घटना औरंगाबादेत घडली आहे. या प्रकरणी त्या नऊ जणांविरोधात सिडको पोलिस (Cidco Police) ठाण्यात खूनाचा गुन्हा दाखल करण्यात आला आहे. ही घटना मिसरवाडीत शनिवारी मध्यरात्री घडली आहे. हसन साजीद पटेल (वय २५, रा.मिसरवाडी ) असे खून करण्यात आलेल्या युवकाचे नाव आहे. मृताचा भाऊ जावेद पटेल यांच्या तक्रारीवरुन सिडको पोलिस ठाण्यात गुन्हा (Aurangabad Crime Update) दाखल करण्यात आला आहे. तालेब सुलतान चाऊस, सुलतान चाऊस, नासेर सुलतान चाऊस, अली सुलतान चाऊस, नासिर अब्दुल पटेल, राहील अन्सारी, मुसा शेख, रियाज ऊर्फ डाॅन, आखेफ ऊर्फ गोल्डन युनूस कुरेशी अशी आरोपींची नावे आहेत.(Nine Men Killed Youth In Aurangabad At Midnight)

हसन पटेल हा जमीन खरेदी-विक्रीचा व्यवसाय करित होता. तो शनिवारी (ता.१५) रात्री नऊ वाजता घराबाहेर पडला. अकरा वाजता त्याच्यावर मिसरवाडीत (Aurangabad) नऊ जणांनी हल्ला केला. तालेब चाऊस याने हसनच्या पोटात चाकू भोसकल्याचे फिर्यादीत म्हटले आहे. या प्रकरणाचा अधिक तपास पोलिस अधिकारी विनोद सलगरकर हे करित आहेत.