माजलगाव : देशातील शेतकरी ऊर्जा व इंधनदाता बनणार आहे. आपला देश आता इंधन आयात करणारा न राहता इंधन निर्यात करणारा ठरेल, असा विश्वास केंद्रीय रस्ते विकासमंत्री नितीन गडकरी यांनी व्यक्त केला.
लोकसभेच्या बीड मतदारसंघातील महायुतीच्या उमेदवार पंकजा मुंडे यांच्या प्रचारार्थ शुक्रवारी येथे झालेल्या सभेत ते बोलत होते. भाजपचे प्रदेशाध्यक्ष चंद्रशेखर बावनकुळे, खासदार प्रीतम मुंडे, सुजय विखे-पाटील, आमदार प्रकाश सोळंके, लक्ष्मण पवार तसेच बबनराव लोणीकर, रमेश आडसकर, मोहन जगताप, बाबूराव पोटभरे, जयसिंग सोळंके, नितीन नाईकनवरे, अशोक डक, अरुण राऊत आदी उपस्थित होते.
गडकरी म्हणाले, ‘देशात गहू, मका, तांदूळ, साखर आदींचे अतिरिक्त उत्पादन होत होते. इथेनॉल निर्मितीमुळे उसाला चांगला भाव मिळणार आहे. आगामी काळात इथेनॉलचे पंप सुरू करण्यात येणार आहेत. काँग्रेसच्या चुकीच्या धोरणांमुळे साठ वर्षांत जी विकासाची कामे झाली नाहीत ती दहा वर्षांतच कितीतरी पटीने अधिक झाली आहेत. विकासात कृषी, उद्योग, व्यापार क्षेत्रांत मोठी प्रगती केली असून देश महासत्ता होण्याच्या दिशेने वाटचाल करत आहे’.
देश महासत्ता होण्याच्या दिशेने वाटचाल करत आहे’. संविधान कोणीही बदलू शकत नाही. आरक्षण मिळाले पाहिजे, ही भूमिका आहे, असेही त्यांनी सांगितले. जिल्ह्याच्या विकासाचे पालकत्व नितीन गडकरी यांनी घ्यावे, अशी अपेक्षा पंकजा मुंडे यांनी व्यक्त केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
