औरंगाबाद: प्रसिद्ध मराठी किर्तनकार इंदोरीकर महाराज (Indurikar Maharaj) यांनी कीर्तनातून पुत्रप्राप्तीसंदर्भात वादग्रस्त विधान केल्याचा दावा करत अंधश्रद्धा निर्मूलन समितीच्या पाठपुराव्यानंतर संगमनेर (जि. नगर) दिवाणी न्यायालयात सरकारी पक्षाच्या वतीने पीसीपीएनडी कायद्यानुसार (pcpndt act) गुन्हा दाखल करण्यात आला होता. संगमनेर न्यायालयाने या प्रकरणात इंदोरीकर यांना दिलासा देत खटला रद्द केला होता.
या रद्दच्या आदेशाला अंनिसकडून आता मुंबई उच्च न्यायालयाच्या औरंगाबाद खंडपीठात आव्हान देण्यात आले आहे. या प्रकरणी खंडपीठाचे न्यायमूर्ती मंगेश एस. पाटील यांनी इंदोरीकर यांना नोटीस बजावली आहे.
या प्रकरणात इंदोरीकर महाराज यांनी संगमनेर जिल्हा सत्र न्यायालयात धाव घेत खटला रद्द करण्याची विनंती केली होती. सुनावणीअंती संगमनेर न्यायालयाने खटला रद्द केला होता. या रद्दच्या आदेशाला अंनिसच्या राज्य सचिव ॲड. रंजना गवांदे यांनी औरंगाबाद खंडपीठात आव्हान दिले आहे. या प्रकरणी खंडपीठाने इंदोरीकर महाराज यांना नोटीस बजावली असून पुढील सुनावणी २९ जून २०२१ रोजी होणार आहे. या प्रकरणात ॲड. गवांदे यांच्यासह ॲड. नेहा कांबळे, ॲड. जितेंद्र पाटील काम पाहत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
