छत्रपती संभाजीनगर : छत्रपती संभाजीनगर जिल्ह्यात शनिवारी (ता.१६) ऑरेंज तर रविवारी ( ता.१७) येलो अलर्ट देण्यात आला आहे. शनिवारी जिल्ह्यात काही ठिकाणी विजांच्या कडकडाटासह जोरदार पावसाची शक्यता व्यक्त करण्यात आली आहे. मुंबईच्या प्रादेशिक हवामानशास्त्र केंद्राकडून हा अलर्ट जारी करण्यात आला आहे.
जिल्हा आपत्ती व्यवस्थापनाचे मुख्य कार्यकारी अधिकारी तथा निवासी उपजिल्हाधिकारी जनार्दन विधाते यांनी कळवले आहे की, दोन दिवसाच्या काळात जिल्ह्यात काही ठिकाणी वादळी वारे सुटून विजांच्या कडकडाटासह आणि ढगांच्या गडगडाटसह पाऊस पडण्याची शक्यता वर्तवलेली आहे.
विजा चमकत असल्यास विजेच्या खांबाजवळ, झाडाखाली उभे राहू नका तसेच उंच जागेवर व झाडावर चढु नका.धातुंच्या वस्तुपासुन दुर रहा तसेच प्लग जोडलेली विद्युत उपकरणे हाताळू नका. दोन चाकी वाहन, सायकल, ट्रॅक्टर, नौका यावर असाल तर तात्काळ उतरुन सुरक्षित ठिकाणी जा अशावेळी वाहनातुन शक्यतो प्रवास करु नका. पाण्याचे नळ, फ्रिज, टेलिफोन यांना स्पर्श करु नका व मोबाईलाचा वापर टाळा अशा सूचना करण्यात आल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.