उमरगा (जि.उस्मानाबाद) : उमरगा शहरात व तालुक्यात कोरोनाचा संसर्ग दुप्पटीने वाढत आहे. शुक्रवारी (ता.२३) दहा जणांचा मृत्यू झाला असून एप्रिल महिन्यात एकुण ६१ जणांचा मृत्यू झाला आहे. सार्वजनिक स्मशानभूमीत मृतांच्या पार्थिवावर अंत्यसंस्कार करण्यासाठी प्रतिक्षा करण्याची वेळ नातेवाईकावर येत आहे. दरम्यान डोळ्यादेखत अनेकांचा मृत्यू होत आहे शिवाय ऑक्सिजन, रेमडेसिविर इंजेक्शन मिळत नसल्याचे चित्र आहे. तरीही काही नागरिकांमध्ये गांभीर्य राहिलेले नाही. सजग राहुन स्वतः बरोबर कुटुंबाची काळजी घेणे हा एकमेव पर्याय उरला आहे.
कोरोना संसर्गानंतर उपचार घेऊन बहुतांश लोक कोरोनामुक्त होत आहेत. मात्र त्यांना सोसावे लागणारे दुखणे भलतेच आहे. शारीरिक तंदुरुस्तीपेक्षा रुग्णांना मानसिक धैर्य देणे गरजेचे झाले आहे. आजार अंगावर घेतले जात असल्याने उशीराच्या उपचाराने रुग्णांकडून उपचाराला प्रतिसाद मिळत नाही. दरम्यान एप्रिल महिन्यात तर संसर्गाने कहर केला आहे. शुक्रवारी तर तब्बल ८८ जण पॉझीटिव्ह आले आहेत.
स्मशानभूमीत जागा पुरेना!
उमरग्यातील सरकारी व खासगी कोविड सेंटरमध्ये दररोज सरासरी सहा रुग्ण दगावत आहेत. पालिकेच्या कर्मचाऱ्यांना अंत्यसंस्कार करण्यासाठी कसरत करावी लागत आहे. दोन लोखंडी पिंजऱ्यात जागा पुरेना. मोकळ्या जागेत अंत्यसंस्कार करावे लागत आहेत. नातेवाईकांना रक्षा विधीची संधी मिळत आहे. घास शिवायला कावळेही येईनात. काही नातेवाईक गाईला आणत आहेत. असा भयावह चित्र असल्याने नागरिकांनी स्वतः बरोबरच कुटुंबाची काळजी घेण्याशिवाय पर्याय उरला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
