Latest Phulambri News: फुलंब्री तालुक्यातील पिंपळगाव वळण फाट्याच्या परिसरात पत्ते खेळण्याच्या वादातून एकाचा खून झाल्याची घटना रविवारी (ता.२२) सकाळी दहा वाजता घडली आहे.
मदन रावण बिघोत वय ४२ (रा.डोंगरगाव शिव, ता. फुलंब्री) असे खून झालेल्या तरुणाचे नाव आहे. याप्रकरणी मृत तरुणाची पत्नी अनिता मदन बिघोत यांच्या फिर्यादीवरून आकाश कौतिक खंडाळे याच्या विरोधात फुलंब्री पोलीस ठाण्यात खुनाचा गुन्हा दाखल करण्यात आला आहे.