औरंगाबाद: शिवसेनेचे औरंगाबाद मध्य विधानसभा मतदारसंघाचे आमदार प्रदीप जैस्वाल (pradip jaiswal) यांनी सरकारी कामामध्ये अडथळा निर्माण केल्याप्रकरणी जैस्वाल यांना सहा महिन्यांची शिक्षा आणि अडीच हजार रुपयांचा दंड केला आहे. ही घटना २०१८ सालची आहे. जैस्वाल यांनी औरंगाबादच्या क्रांती चौकातील पोलिस ठाण्यातील काच फोडून खुर्चीही फेकली होती.
नेमके प्रकरण काय होते?
मे २०१८ मध्ये शहरात उसळलेल्या दंगल प्रकरणी क्रांतीचौक पोलिसांनी गांधीनगर भागातील दोन आरोपींना अटक केली होती. या आरोपींना पोलिसांनी विनाकारण अटक केली असून त्यांना तात्काळ सोडा, अशी मागणी करत जैस्वाल आपल्या सात ते आठ समर्थकांसह क्रांती चौक पोलीस ठाण्यात गेले आणि तिथं तोडफोड केली होती.
अटक केलेल्या दोन कार्यकर्त्यांना सोडा, ही मागणी करत जैस्वाल यांनी पोलिस स्टेशनमधील कर्मचारी, अधिकारी यांना धमकावत शिवीगाळ करत टेबलवरी काच फोडली होती. या प्रकरणी त्यांच्यावर गुन्हा दाखल झाला होता. जिल्हा सत्र न्यायालयाचे अतिरिक्त न्यायाधीश एस.एम.भोसले यांनी जैस्वाल यांना सहा महिन्यांची शिक्षा व प्रत्येकी अडीच हजार प्रमाणे पाच हजारांच्या दंडाची शिक्षा सुनावली आहे. जैस्वाल यांनी दंड न भरल्यास शिक्षेत एक महिन्याची वाढ करण्याचे आदेश देण्यात आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
