औरंगाबाद : गावाचा पाणीपुरवठा आराखडा तयार करतेवेळी कायमस्वरूपी उद्भव, बळकटीकरण यावर भर देण्यात यावा तसेच शाळा व अंगणवाडी मध्ये नळजोडणी करून पाणीपुरवठा करावा, या कामी शासनाकडून नियुक्त सहाय्यकारी संस्थेने पुढाकार घेऊन तत्काळ आराखडे तयार करण्याच्या सूचना जिल्हाधिकारी सुनील चव्हाण यांनी दिल्या.
जिल्ह्यात जल जीवन मिशन प्रभावीपणे राबविण्यासाठी जिल्हाधिकारी यांच्या उपस्थितीत उप संचालक आरोग्य कार्यालयात गुरुवारी (ता.९) आढावा बैठकीचे घेण्यात आली. या बैठकीला जिल्हा परिषदेचे मुख्य कार्यकारी अधिकारी नीलेश गटणे, जिल्हा परिषदेच्या अध्यक्षा मीना शेळके, जल जीवन मिशनचे प्रकल्प संचालक सुदर्शन तुपे, ग्रामीण पाणीपुरवठाचे कार्यकारी अभियंता अजित वाघमारे, रामूकाका शेळके तसेच सर्व गटविकास अधिकारी, ग्रामीण पाणीपुरवठाचे उपअभियंता, शाखा अभियंता, जिल्हा पाणी व स्वच्छता मिशन कक्षाचे तज्ञ, सल्लागार तालुकास्तरावरील गट समन्वयक, समूह समन्वयक उपस्थित होते.
यावेळी जिल्ह्यात जल जीवन मिशन प्रभावीपणे राबविण्यासाठी ग्रामीण भागातील प्रत्येक कुटुंबातील प्रति व्यक्तींना प्रति दिन ५५ लिटर पाणी पुढील ३० वर्षापर्यंत मिळण्यासाठी शाश्वत स्वरूपाचा आराखडा ग्रामीण पाणीपुरवठा यंत्रणेने तयार करण्याच्या सूचना जिल्हाधिकारी यांनी दिल्या. तर सीईओ नीलेश गटणे यांनी जिल्ह्यातील पाणीपुरवठा योजनेचा आढावा घेऊन जल जीवन मिशन अंतर्गत राबविण्यात येणाऱ्या ९० दिवस उपक्रमाचा आढावा घेऊन आवश्यक त्या सूचना केल्या. तसेच स्वच्छ भारत मिशन चा आढावा प्रकल्प संचालक सुदर्शन तुपे यांनी घेतला. गावात घनकचरा सांडपाणी शोषखड्डे, सार्वजनिक शौचालय, मोबाइलद्वारे प्रतिक्रिया, पाणी नमुने संकलित करण्याच्या सूचना दिल्या. या आढावा बैठकीला महाराष्ट्र शासनाने नियुक्त केलेल्या सहाय्यकारी संस्था सेवा, सेक्रेड, सिग्मा व वॅपकॉसचे प्रतिनिधी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
