Sambhaji nagar : बंगळुरूसाठी शहरातून इंडिगोची थेट सेवा

छत्रपती संभाजीनगर : इंडिगोतर्फे २८ मार्च २०२३ पासून बंगळुरू-औरंगाबाद (छत्रपती संभाजीनगर) दरम्यान थेट सेवा सुरू केल्याची घोषणा केली. या मार्गावर विमानसेवा सुरू झाल्याने बंगळुरू-छत्रपती संभाजीनगर मार्गावर थेट वाहतूक सेवा सुरू झाल्याने प्रवासाचा वेळ आता फक्त दीड तासावर आला आहे.

इंडिगोच्या जागतिक सेल्सचे प्रमुख विनय मल्होत्रा यांनी सांगितले, की ही दोन शहरे रेशीम आणि कापसाचा उत्पादक प्रदेश आहे. त्यामुळे थेट जोडणीसह वस्त्रांची बाजारपेठ आणि दळणवळणाला चालना मिळू शकणार आहे. या थेट सेवेमुळे आता मोठ्या प्रमाणावर प्रवासातील वेळेत बचत होणार आहे.

बंगळुरू आणि छत्रपती संभाजीनगर विमानसेवेमुळे स्थानिक आणि आंतरराष्ट्रीय स्तरांवर सहा नेटवर्कने जोडले जात आहोत. छत्रपती संभाजीनगर हे महाराष्ट्रातील मोठ्या शहरांपैकी एक असून हे शहर विविध ऐतिहासिक वास्तूंसाठी प्रसिद्ध आहे. दोन वारसास्थळे असलेला हा एकमेव जिल्हा आहे. प्रवासी हे www.goIndiGo.in या वेबसाइटवरूनही थेट बुकिंग करू शकतात. या सेवेचा लाभ घेण्याचे आवाहन विनय मल्होत्रा यांनी केले.