वाळूजमहानगर : वाळूची अवैध वाहतूक करीत असलेल्या विनाक्रमांकाच्या हायवा ट्रकने दुचाकीस्वाराला चिरडल्याने त्याचा जागीच चेंदामेंदा होऊन मृत्यू झाला. हा अपघात वाळूज औद्योगिक वसाहतीतील एनआरबी चौक ते वडगाव (को.) रोडवर शुक्रवारी (ता.१०) सकाळी १०.३० च्या सुमारास झाला.
वडगाव(को.) येथील प्रल्हाद पुंजाजी बारसे (वय ५०) हे वाळूज औद्योगिक वसाहतीतील एनआरबी चौकातून वडगाव (को.)कडे दुचाकी (एम एच २०,सी व्ही-७९९४) वरून येत असताना मोकाट जनावरे आडवी आली. त्यामुळे बारसे हे दुचाकीवरून खाली पडले. त्याचवेळी पाठीमागून भरधाव आलेल्या अवैध वाळू वाहतूक करणाऱ्या विना नंबरच्या हायवाने बारसे यांना चिरडले. अपघातात त्यांचा चेंदामेंदा होऊन जागीच मृत्यू झाला.
अपघातानंतर वाळूज एमआयडीसी पोलिसांनी अपघातस्थळी धाव घेत बारसे यांचा मृतदेह घाटीत रवाना करून वाळू वाहतूक करणारा हायवा ट्रक ताब्यात घेतला.
अपघातातील हायवा ट्रकची अदलाबदली?
अपघातानंतर वाळूज एमआयडीसी पोलिसांसह काही पत्रकारही अपघातस्थळी आले. त्यांनी अपघातग्रस्त हायवाचे व त्यामधील वाळूतून गळणाऱ्या पाण्याचे फोटो व व्हिडिओ चित्रण केले. मात्र, पोलिसांनी या अपघातातील अवैध वाळू वाहतूक करणारा विना
नंबरचा हायवा ट्रक बदलून त्याऐवजी डांबर वाहतूक करणारा व (एम एच ४६, बी बी -४०४७) हा क्रमांक असलेला हायवा ट्रक पोलिस ठाण्यात आणून उभा केला, अशी चर्चा वाळूज परिसरात दिवसभर होत होती. याविषयी पोलिस निरीक्षक संदीप गुरमे यांच्याशी संपर्क साधला असता तो होऊ शकला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
