Crime news: डीजे साउंड सिस्टिमचे साहित्य चोरणाऱ्या पाच जणांना हर्सूल पोलिसांनी अटक केली. मयूरपार्क भागात १ सप्टेंबरला हा प्रकार घडला होता. संशयित आरोपी आणि तक्रारदार मित्र असून, डीजेचे सामान दिले नाही म्हणून मित्रांनीच बनावट चावी तयार करीत हा गुन्हा केला. संशयितांमध्ये एका पोलिस पुत्राचाही समावेश आहे.
मयूरपार्क येथील योगेश अशोक काळे यांच्या दुकानाचे शटर फोडून चोरांनी डीजे साउंड सिस्टिमचे साहित्य लंपास केले होते. संशयित हे हर्सूल परिसरातील अंबरहील येथे चोरीचा माल विकण्यासाठी येणार असल्याची माहिती पोलिसांना मिळाली.