बनोटी : हौदातील पाणी पिल्याने विषबाधा होऊन दहा जनावरे दगावली, तर अकरा जनावरे अत्यवस्थ झाल्याची घटना तिडका (ता. सोयगाव) येथे मंगळवारी (ता. १९) घडली. सोयगाव, बनोटी येथील पशुसंवर्धन पथक तिडका येथे तळ ठोकून अत्यवस्थ जनावरांवर उपचार करत आहे. कुणीतरी माथेफिरूने हौदातील पाण्यात विष टाकले असावे, असा संशय व्यक्त होत आहे.
तिडका शिवारातील संदीप मगर यांच्या मालकीच्या गट क्रमांक ५५ मधील शेतात संदीप मगर यांची पाच जनावरे, तर विष्णू मगर यांची चार आणि मुबारक पटेल, जगदीश मगर यांची एकूण एकवीस जनावरे सकाळी चारण्यासाठी सोडली होती. गुरांनी हौदात पाणी पिल्यानंतर एक-एक करत जमिनीवर पडली.
शेतकऱ्याने सोयगाव आणि बनोटी पशुवैद्यकीय अधिकाऱ्यांना बोलावून उपचार सुरू केले. परंतु, उपचारादरम्यान संदीप मगर यांची पाच जनावरे, विष्णू मगर यांची चार जनावरे आणि मुबारक पटेल यांची दोन जनावरे अशी एकूण दहा जनावरे दगावली.
यात एक म्हैस, वगार, तीन बैल, दोन गायी आणि एक वासरू अशी दहा जनावरे दगावली. उर्वरित ११ जनावरे धोक्याच्या पातळीबाहेर आहेत. पशुवैद्यकीय अधिकारी विनीत बुखारी, बी.एस. कांबळे, मंगेश काळे, अदिनाथ साबळे, खासगी डॉक्टर अरुण महाजन व मोहित जाधव यांच्या पथकाला अकरा जनावरे वाचविण्यात यश आले. विषबाधा कशामुळे झाली, याचे कारण मात्र समजू शकले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
