सबस्क्राईब करा
छत्रपती संभाजीनगर : छत्रपती संभाजीनगर येथून एक धक्कादायक माहिती समोर आली असून एका आईनेच आपल्या पोटच्या लेकराचा छळ केल्याचं समोर आलं आहे. या महिलेने आपल्या सहा वर्षाच्या लेकराला चक्क गरम तव्यावर बसवल्याची आईच्या नात्याला काळीमा फासणारी घटना घडली आहे.
अधिक माहितीनुसार, या महिलेला तीन मुले असून एक व्यक्ती घरी आल्यानंतर तिने आपल्या तीनही मुलांना मारहाण करत घरात डांबून ठेवले. तर सहा वर्षाच्या सर्वांत लहान मुलाला गरम तव्यावर बसवत त्याला मारहाण करत ती सदर पुरूषाबरोबर बाहेर निघून गेली. काही वेळानंतर शेजारच्यांच्या लक्षात ही बाब आल्यानंतर त्यांनी पोलिसांना कळवलं.
दरम्यान, पोलिसांनी घटनास्थळी दाखल होत या तीन चिमुकल्यांची सुटका केली. आईसोबत बाहेर गेलेला व्यक्ती आमचा वडील नसल्याचं या मुलांनी सांगितलं असून या मुलांची घाटी रूग्णालयात वैद्यकीय तपासणी सुरू आहे. त्यानंतर त्यांना बालसुधारगृहात ठेवण्यात येणार असल्याची माहिती पोलिसांनी दिली आहे. पण ही धक्कादायक घटनेमुळे परिसरात हळहळ व्यक्त केली जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
