अजिंठा : अजिंठा घाटात घाटमाथ्यावर चढत असलेली दोन वाहने एकाच वेळी नादुरुस्त झाल्याने बुधवारी (ता.६) पहाटेपासूनच घाटात वाहतुकीची कोंडी झाली. ठप्प झालेली वाहतूक दुपारी १२.३० वाजता सुरळीत झाली. यामुळे महामार्गावर वाहनांच्या दुतर्फा लांबच लांब रांगा लागल्या होत्या.
अजिंठा घाट चढत असलेली दोन मालवाहू ट्रक बुधवारी (ता.६) पहाटेपासूनच नादुरुस्त झाली. यामुळे घाटातील वाहतूक ठप्प झाल्याने मार्गावरुन प्रवास करणाऱ्या प्रवाशांना अडचणीचा सामना करावा लागला. रस्त्यांवरील धुळ व प्रचंड उकाड्याने नागरिक हैरान झाले. यावेळी प्रवाशांनी आपापल्या वाहनातून उतरून झाडांच्या सावलीचा सहारा घेतला.
दरम्यान, माहिती मिळताच अजिंठा पोलिस ठाण्याचे सहाय्यक पोलिस निरीक्षक अजित विसपुते, सहकारी अक्रम पठाण, अरुण गाडेकर, विकास चौधरी, प्रकाश कोळी यांनी घटनास्थळी जाऊन वाहतूक सुरळीत करण्यास मदत केली.
तोपर्यंत शेकडो वाहनांच्या दुतर्फा लांबच लांब रांगा लागल्या. चार ते पाच तास झालेल्या या वाहतूक कोंडीमुळे वाहनात प्रवास करीत असलेल्या अबाल वृद्धांसह रुग्णांचे हाल झाले. ही वाहतूक सुरळीत करण्यास पोलिसांची चांगलीच दमछाक झाली.
महामार्गावरील अजिंठा घाट ते बाळापूर दरम्यान रस्त्यांच्या कामामुळे या न त्या कारणाने वाहतूक ठप्प होण्याच्या प्रमाणात वाढ झाल्याने वाहनधारकांची गैरसोय नित्याची झाल्याने घाटातील रस्त्यांचे तसेच बाळापूर नजीकच्या रस्त्यांचे काम त्वरित करावे, अशी मागणी वाहन धारकांमधून होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.