कायगाव (जि.औरंगाबाद) : कायगाव (ता.गंगापूर) (Aurangabad) येथील कायगाव पेपर मिल्समध्ये काम करताना एका कामगाराचा विजेचा शॉक लागून मृत्यु झाल्याची घटना बुधवारी (ता.आठ) पहाटे दीड वाजे दरम्यान घडली. गंगापूर पोलिसाकडून मिळालेल्या माहितीनुसार समाधान अंकुश पठाडे (वय २१, रा. बोधेगाव, ता.नेवासा, जि.अहमदनगर) (Ahmednagar)हे कायगाव येथील कायगाव पेपर मिल्समध्ये (Kaygaon Paper Mills) गेल्या तीन वर्षांपासून हेल्पर म्हणून काम करीत होता. तो रात्री आठ ते सकाळी आठ वाजेपर्यन्त कामावर होता. मशीनवर काम करत असतानाच बुधवारी पहाटे दीड वाजता मशीनवर काम करत असताना त्याला विजेचा शॉक लागला. (Gangapur)
कायगाव पेपर मिल्समधील कामगारांनी समाधान यास गंगापूर येथील उपजिल्हा रुग्णालयात आणले असता येथील डॉक्टर यांनी तपासून त्यास मृत घोषित केले. शवविच्छेदन करून मृतदेह नातेवाईकांच्या स्वाधीन करण्यात आले. मृत समाधान पठाडे पश्चात आई, वडील आणि भाऊ असा परिवार आहे. या प्रकरणी गंगापूर पोलिस ठाण्यात आकस्मिक मृत्यूची नोंद करण्यात आली असून पुढील तपास पोलीस हेडकॉन्स्टेबल विजय भिल्ल करित आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
