छत्रपती संभाजीनगर : जीमहून परतणाऱ्या तरुणीची एकाने छेड काढत भर रस्त्यात तिचा विनयभंग केला. तसेच तरुणीच्या मित्रांनाही त्याने धमकी दिली. हा प्रकार १० मे रोजी जयभवानीनगर रस्त्यावर घडला. या प्रकरणी तरुणीने दिलेल्या फिर्यादीवरून विनयभंग करणाऱ्याविरोधात पुंडलिकनगर पोलिस ठाण्यात विनयभंगाचा गुन्हा दाखल करण्यात आला असून, सुमीत सोनपसारे (२२, रा. महादेव मंदिराच्या बाजूला शिवशाहीनगर, मुकूंदवाडी) असे संशयित आरोपीचे नाव आहे.
फिर्यादीनुसार पिडीता तरुणी ही जीम संपवून घरी जात होती. त्याच वेळेस सुमीत हा रस्त्यावर आला, त्याने तिला ‘आता तू कोणासोबत बोलत होतीस’ असे म्हणत छेड काढून विनयभंग केला.
दरम्यान, तिथे उपस्थित असलेल्या पिडीतेच्या दोघा मित्रांनाही त्याने ‘तुम्ही इथेच थांबा, मी माझ्या भाई लोकांना बोलावून तुम्हाला मारहाण करतो’ अशी धमकी दिल्याचेही फिर्यादीत नमूद करण्यात आले आहे. तपास पोलिस उपनिरीक्षक विठ्ठल घोडके करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
