बांगडी विक्रेत्याच्या मुलीचे भन्नाट यश : क्लास न लावता घरी राहून अभ्यास करत मिळवला आयआयटीत प्रवेश

परभणी ः कारेगाव रस्त्यावर छोटंस बांगड्याचं दुकान चालविणार्‍या माने कुटूंबियातील अंकीता प्रचंड जिद्द व योग्य मार्गदर्शनाच्या बळावरच जेईई (अ‍ॅडव्हान्स) या परीक्षेत 793 रँक पटकावून आयआयटी इंजिनिअरिंग प्रवेशास पात्र ठरली.

वृंदावन कॉ़लनीजवळील सन्मीत्र कॉलनीतील अर्जुनराव माने यांचे कारेगाव रस्त्यावर बांगड्यांचे दुकान आहे. जेमतेम अशी आर्थिक परिस्थिती. त्यामुळे कुटूंबातील दोन मुली या अत्यंत हुशार असतानासुध्दा इतरांप्रमाणे ते मुलींना कोटा किंवा अन्य महानगरांकडे शिकावयास पाठवु शकले नाहीत. परंतु माने कुटूंबातील हीने अगदी जिद्दीने आणि योग्य अशा मार्गदर्शनाच्या बळावरच आयआयटी इंजिनिअरिंगचं आपल्या स्वप्नपूर्तीचा संकल्प सोडला. नव्हे परभणीसारख्या ठिकाणीच राहून, योग्य पध्दतीने अभ्यास करत यशसुध्दा पटकावलं. 

सोमवारी (ता. पाच) जेईई (अ‍ॅडव्हान्स) चा निकाल जाहीर झाला तेव्हा अंकिता हीने रँक 793 पटकावला अन् ती आयआयटी इंजिनिअरिंगसाठी पात्र ठरली. 

हेही वाचा -  बालगृहातील मुलांना हवा भक्कम आधार -

अंकिता आपल्या स्वप्नपूर्तीचा संकल्प पूर्ण करू शकली.

अंकीता ही कृषी सारथी कॉलनीतील गांधी विद्यालयाची विद्यार्थिनी. तेथूनच ती इयत्ता दहावी उत्तीर्ण झाली. त्याचवेळी तीने इंजिनिअर करून आई-वडीलांना मदत करायची असाच निर्धार केला होता. त्यासाठी तीने बारावीच्या विज्ञान शाखेत प्रवेश घेतला. पाठोपाठ अभ्यासात सातत्य राखलं,  दिवसातून नऊ ते दहा तास अभ्यास केला. अभ्यासाचे योग्य नियोजन केले. विशेषतः प्रा. सवंडकर यांचे तीला नियमितपणे योग्य ते मार्गदर्शन लाभले. सर्वतोपरी मदतही मिळाली. प्रा. संभाजी सवंडकर यांच्या प्रा. फेगडे व प्रा. शिंदे यांनी तीला गणित, भौतिकशास्त्र व केमिस्ट्रीसाठी योग्य पध्दतीने मार्गदर्शन केले. इंग्रजीसाठी चाफे यांचे मार्गदर्शन लाभले. त्यामुळेच अंकिता आपल्या स्वप्नपूर्तीचा संकल्प पूर्ण करू शकली.

येथे क्लिक करा -  नांदेड : रेल्वे विभागातील कर्मचाऱ्यांचे कोविडच्या विरोधात जन जागरण

संपादन - प्रल्हाद कांबळे