Beed: एसटीचे ३५० कर्मचारी संपावर गेल्याने सर्वसामान्य जनतेचे प्रचंड हाल!

Latest Beed News: गेवराई आगारातील साडेतीनशे कर्मचारी संपावर गेल्याने रोजच्या होणा-या ४५ फे-या बंद असल्याने १७ हजार किलोमीटर अंतराचा प्रवास रुतल्याने हाल होत असून, ऐन गौरी-गणपती उत्सवात एसटीची चाके बंद असल्यामुळे प्रवाशांना इतर वहातूकीचा आसरा घ्यावा लागत आहे.

राज्य शासकीय कर्मचा-यां प्रमाणे एसटीच्या कर्मचा-यांना देखील वेतन देण्यात यावे यासाठी मंगळवार काल पासून गेवराईच्या आगारातील वाहक,चालक अन् इतर असे जवळपास ३५० कर्मचा-यांनी संपात सहभाग घेतल्याने काल आणि आज दुपापर्यंत आगारातील एक ही 'लालपरी'रस्त्यावर धावलेली नाही.

ऐन सणासुदीत एसटीचे चाके थांबल्याने गेवराई आगारातील दररोज होणा-या ४५ फे-या बंद असून, साधारण रोजचा होत असलेला १७ हजार किलोमीटरच्या 'लालपरीच्या'प्रवाशाला ब्रेक लागला आहे.

दरम्यान,गेवराई तालुक्यातील ग्रामीण भागातील गावखेड्यातील शहरातील शहरातील शाळेत शिक्षण घेत असलेल्या मुले-मुलींना संपामुळे अघोषित सुट्टी मिळाली आहे.संपावर तोडगा न मिळाल्यास लाखो रुपयांचे नुकसानास 'लालपरी'सामना करावा लागणार लागणार आहे.