Latest Ambejogai News: अंबाजोगाई लातूर रोडवर नांदगाव पाटीजवळ रविवारी (ता.२२) पहाटे स्विफ्ट कार आणि कंटेनरचा भीषण अपघात झाला. या अपघातात कार मधील चौघेही जागीच ठार झाले. सर्व मयत लातूर जिल्ह्यातील चाकूर तालुक्यातील जगलपूर येथील मृतात गावचे माजी सरपंचाचा समावेश आहे.
शनिवारी रात्री उशीरा जगलपूर येथील तिघे जण कार (एमएच २४ एएस ६३३४) मधून औरंगाबादला निघाले होते. रात्री सुरू असलेल्या मुसळधार पावसात अंबाजोगाई लातूर रोडवरील पाचपीर दर्ग्या जवळ त्यांच्या कारची आणि समोरून येणाऱ्या कंटेनरची (एमएच १२ एमव्ही ७१८८) जोरदार धडक झाली. यावेळी कार कंटेनरच्या खाली घुसल्याने कारचा चुराडा होऊन त्यातील चौघांचा जागीच मृत्यू झाला.
लातूरहून अंबाजोगाईकडे येणारा चौपदरी रस्ता बर्दापूरच्या पुढे दुपदरी करण्यात आला आहे. अचानक निमुळता झालेल्या या रस्त्याने आतापर्यंत शेकडो लोकांचे बळी घेतले आहे. त्यामुळे हा रस्ता लोखंडी सावरगावपर्यंत चौपदरी करावा अशी मागणी पुन्हा जोर धरू लागली आहे.