Latest Kej Crime: पोटात दुखत असल्याने उपचारासाठी खासगी रूग्णालयात गेलेली अल्पवयीन मुलगी ही साडेपाच महिन्यांची गर्भवती असल्याचा प्रकार उघडकीस आला. लग्नाचे आमिष दाखवून मामेभावानेच तिच्यावर अत्याचार केले. याप्रकरणी संबंधित तरूणावर गुरुवारी (ता.१९) गुन्हा दाखल करण्यात आला आहे.
इयत्ता दहावीच्या वर्गात शिक्षण घेत असलेल्या अल्पवयीन मुलीच्या पोटात दुखत असल्याने १५ सप्टेंबर रोजी तिची आई तिला केज शहरातील एका खासगी दवाखान्यात उपचारासाठी घेऊन गेली होती.
तिथे सोनोग्राफी केल्यानंतर ती अल्पवयीन मुलगी ही साडेपाच महिन्यांची गर्भवती असल्याचे निदान झाले.
त्यानंतर तिला अंबाजोगाई येथील शासकीय रुग्णालयात दाखल करण्यात आले. त्या मुलीवर उपचार करणाऱ्या डॉक्टरांच्या सल्ल्याने परत तिची सोनोग्राफी केली असता ती साडेपाच महिन्यांची गर्भवती असल्याचे निष्पन्न झाले.
दरम्यान, या प्रकारानंतर मुलीच्या मामेभावानेच तिच्यावर लग्न करण्याचे आमिष दाखवून अत्याचार केल्याचे समोर आले असून पीडितेच्या तक्रारीवरून गुरुवारी केज पोलीस ठाण्यात बाल लैंगिक अत्याचार गुन्हा दाखल करण्यात आला आहे. या गुन्ह्याचा पुढील तपास पिंक पथकाचे पोलीस उपनिरीक्षक प्रकाश शेळके हे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
