बीड - परभणी जिल्ह्यातील दैठणा पोलिसांना इंद्रायणी नदीवरील पुलाखाली पाण्यात अनोळखी मृतदेह आढळून आला होता. मृतदेहाच्या अंगावरील गोंदलेल्या नावावरून पोलिसांनी या प्रकरणाचा उलगडा केला. दारुड्या बापाच्या त्रासाला कंटाळून मुलानेच त्यांच्या डोक्यात लाकडाने मारून खून केल्याचे उघड झाले. मुंजा एकनाथ कटारे (वय ५२, रा.दिंद्रुड, ता. माजलगाव) असे मृताचे नाव आहे.
(लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये)
दैठणा ठाण्यातील उपनिरीक्षक संजय वळसे यांच्या फिर्यादीनुसार, शनिवारी (दि.१६) त्यांना दैठणा-गंगाखेड महामार्गावर इंद्रायणी नदीवरील पुलाखाली पाण्यात अनोळखी मृतदेह आढळून आला. दुसऱ्या दिवशी पोलिसांनी कुजलेला मृतदेह पाण्याबाहेर काढला असता त्याच्या हातावर मुंजा एकनाथ कटारे असे गोंदलेले आढळून आले. शवविच्छेदनात सदरील प्रकार खुनाचा असल्याचे निष्पन्न झाले. दरम्यान, मृत मुंजा कटारे यांचा मुलगा अशोक याच्या हालचाली संशयास्पद वाटल्याने पोलिसांनी त्याची चौकशी सुरु केली.
अशोकला पोलिसी खाक्या दाखवताच वडिलांचा खून केल्याची कबुली दिली. मुंजा कटारे यास दारुचे व्यसन होते. १२ सप्टेंबर रोजी गावातील एका शाळेजवळ ते मद्यधुंद अवस्थेत दिसून आल्याने अशोकने रागाच्या भरात त्यांना मारहाण केली. या मारहाणीत मुंजा कटारे यांचा मृत्यू झाला. त्यानंतर स्वतःच्या कारमधून (एमएच-०२- डीएनः २९४१) मृतदेह इंद्रायणी नदीच्या पुलावर नेत खाली पाण्यात फेकला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
