Latest Marathwada News: ‘दारू पिल्याचे मालकाला का सांगितले’, असे म्हणून एकाने लोखंडी बतईने मारहाण केली. या मारहाणीत एकाचा मृत्यू झाल्याची घटना मंगळवारी दुपारी चारच्या दरम्यान अंबाजोगाई तालुक्यातील बर्दापूर शिवारात घडली.
रामकिशन भैयालाल पाल (वय ४५, रा. ओरछा, मध्य प्रदेश) असे मृताचे नाव आहे. याप्रकरणी बर्दापूर पोलिसांनी संशयित आरोपी उमेश हरनाम गोस्वामी (वय १८, रा. इंदूर, मध्य प्रदेश) याला अटक केली आहे.
लातूर जिल्ह्यातील रेणापूर तालुक्यात विद्युत खांबावरील तारा ओढण्याच्या कामावर मध्य प्रदेश येथील मजूर कामावर आहेत. दरम्यान, उमेश गोस्वामी हा दारू पिऊन कामावर आला होता. याबाबत रामकिशन पाल याने याबाबत कंपनी मालकाला सांगितले होते.
याचा मनात राग धरून मंगळवारी दुपारी बर्दापूर शिवारात काम सुरू असताना उमेशने लोखंडी बतईने छातीत खोलवर मारून रामकिशनचा खून केला. याप्रकरणी अतुल रमेश घुले (रा. दवणगाव, ता. रेणापूर) यांच्या फिर्यादीवरून बर्दापूर पोलिसांत संशयित आरोपीवर गुन्ह्याची नोंद झाली आहे. तपास सपोनि राजकुमार ससाने करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
