धानोरा (जि.बीड) : अंबाजोगाई (Ambajogai) तालुक्यातील धानोरा खुर्द परिसरात गुरुवारी (ता.२३) रात्री मुसळधार पाऊस झाला. या पावसाने मांजरा नदी (Manjara River) काठ, ओढे-नाले परिसरातील शेती जलमय (Agriculture) झाली आहे. शेताला तळ्याचे स्वरूप आले आहे. सर्व पिके पाण्यात आहेत. शुक्रवारी (ता.२४) सकाळी धानोरा-तटबोरगाव, धानोरा - आपेगाव ओढ्याचे पाणी पुलावरून वाहत असल्याने काही तास वाहतूक (Beed) बंद होती. धानोरा खुर्द परिसरातील आपेगाव, कोपरा, अंजनपूर, तटबोरगाव, देवळा सोमनाथ, बोरगाव, हिवरा, माकेगाव आदी गावांत गुरुवारी अतिवृष्टी झाली. या (Rain In Beed) पावसात हातातोंडाशी आलेले सोयाबीन आणि इतर पिके पाण्यात गेले आहेत.
मांजरा धरणाचे पाणी नदी पात्रात सोडल्याने ओढे, नदी-नाले याचे पाणी मांजरा घेत नसल्याने ओढे, नदी-नाल्यांचा परिसर जलमय झाला आहे. पिकात कंबरे इतके पाणी साचले आहे. शेतकऱ्यांचे या पावसाने मोठे नुकसान झाले आहे. धानोरा खुर्द परिसरातील शेतकरी मोठ्या संकटात सापडले आहेत. अंजनपूर, कानडी, बोरगाव बॅरेजचे दोन गेट खराब झाल्याचा अंदाज आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
