उदगीर (लातूर): देशभरात कोरोनाने (covid 19) थैमान घातले असून या रोगाचा संसर्ग होऊन आई-वडीलांचे निधन झालेल्या अनाथ मुलांना विनामूल्य शिक्षण, निवास आणि ते स्वावलंबी होण्यापर्यंतची सर्व व्यवस्था करण्यात येईल असे भालकी (जि. बिदर ) हिरेमठ संस्थानचे पीठाधिपती डाॅ. बसवलिंग पट्टद्देवरू यांनी सांगितले आहे.
महाराष्ट्र - कर्नाटक सीमाभागातील उदगीरपासून जवळच असलेल्या भालकी हिरेमठ संस्थानने त्यांच्या मठाच्या शिक्षण संस्थेतून आज पर्यंत असंख्य अनाथ मुलांचे संगोपन केले आहे. गरीब , होतकरू मुलांना विनामूल्य शिक्षण, निवास व भोजनाची व्यवस्था केली असून हजारो मुला- मुलींचे जिवन घडवून स्वावलंबी बनवले आहे. मठ संस्थान महाराष्ट्र बसव परिषदेच्या माध्यमातून महाराष्ट्रात विविध कार्य केले आहे.
देशभरात कोरोना रोगाने थैमान घातले असून, सर्वत्र भीतीदायक वातावरण निर्माण झाले आहे. दररोज हजारोंच्या संख्येने लोक मरण पावत आहेत. कामगार, शेतमजुर, कष्टकरी छोट्या- मोठ्या व्यवसायांवर अवलंबून असलेले कुटुंब हवालदिल झाले आहेत. योग्यवेळी उपचार न मिळाल्याने अनेक घरातील कर्ते आई-वडील यांचे निधन झाले आहे. अशा मुलांचे पूर्णत: संगोपन करण्याची जबाबदारी भालकी हिरेमठ संस्थान स्विकारणार आहे.
अधिक माहितीसाठी भालकी मठाचे नूतन मठाधिपती श्री गुरुबसव पट्टद्देवर (९६०६०६९३३३) मठाचे व्यवस्थापक मोहन रेड्डी (७३५३३०४५०२) महाराष्ट्र बसव परिषदेचे संचालक राजू जुबरे (८९०४६३८९०८) यांच्याशी संपर्क करण्याचे आवाहन मठाच्या वतीने प्रसिद्धीपत्रकाद्वारे केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
