Bharat Band : हिंगोलीत कृषी कायद्यांविरोधात धरणे आंदोलन

हिंगोली : येथे शेतकरी विरोधी कृषी कायदे (Farm Bills) रद्द करण्याच्या मागणीसाठी अखिल भारतीय किसान संघर्ष समन्वय समितीच्या वतीने सोमवारी (ता.२७) जिल्हाधिकारी कार्यालयासमोर धरणे आंदोलन (Bharat Band) करण्यात आले. यावेळी माजी आमदार संतोष टारफे, काँग्रेसचे (Hingoli) जिल्हाध्यक्ष संजय बोंढारे, आर. आर. कोर्डे, बाबुराव गाडे, टी.के.टापरे, शेख खलील बेलदार, बापुराव बांगर, जिल्हा परिषद सदस्य सतीश पाचपुते, केशव नाईक, विलास गोरे, आबेदअली जहागिरदार, गोपाल ढोणे, किशनराव काशीदे , मनोहर जाधव यांच्यासह विविध राजकीय पक्षांचे पदाधिकारी उपस्थित होते.

अखिल भारतीय किसान संघर्ष समन्वय समितीने यावेळी जिल्हा प्रशासनाकडे निवेदन दिले. निवेदनात शेतकरी विरोधी कृषी कायदे रद्द करावेत, शेतीमालास किफायतशीर दीडपट भाव देऊन हमी भावाचा कायदा वीज विधेयक २०२० मागे घ्यावे, पेट्रोल, डिझेल, गॅस सिलेंडर तसेच जीवनावश्यक वस्तुंची भाववाढ मागे घ्यावी सर्व गरजूंना अन्नसुरक्षा योजनेचे कार्ड द्यावे, कोरोनामुळे मृत्यू पावलेल्या व्यक्तीच्या कुटुंबियांना पाच लाख रुपये द्यावेत यासह विविध मागण्या निवेदनात नमुद करण्यात आल्या आहेत.