कळमनुरी : आमचा कुण्या पक्षाला विरोध नाही. भाजपची सत्ता गेली काय आणि कायम राहिली काय याचेही घेणे-देणे नाही. पण, आज आपला देश धर्म आणि जातीत विभागला जात आहे. धर्माच्या नावावर अनेकांना भुलवून द्वेषाचे विष पेरले जात आहे. एकूणच डोळे असूनही सगळे जण आंधळे होत आहेत. त्यांचे डोळे उघडण्यासाठी आम्ही ‘भारत जोडो’ यात्रेत भाग घेतला, असे सांगत होते पुसद येथून आलेल्या राष्ट्रीय दिव्यांग संघातील १५ अंध बांधव.
या अंध बांधवांची दिंडी शनिवारी कळनुरीत आली. त्यांनी ‘भारत जोडो’ यात्रेचे स्वागत केले. शिवाय यात्रेत सहभागही घेतला. यात्रेदरम्यान क्रांतीगीतांचे गायन केले. या अंधांना पुसद येथून आणण्यासाठी आणि पुसद येथे सुखरूप पोचविण्यासाठी त्यांना मदत केली ते सामाजिक कार्यकर्ते सदानंद तायडे यांनी. श्री. तायडे म्हणाले, ‘‘या यात्रेत सहभाग म्हणजे काँग्रेसला अंधाचा पाठिंबा आहे असे नाही.
पण, समाज एकसंध ठेवण्यासाठी यात आम्ही सहभागी झालो. येथे हिंदू आणि मुसलमांनी गुण्यागोंविदाने राहावे असेच आम्हाला वाटते. त्यासाठीच हा सहभाग आहे’’, असे त्यांनी अंधांच्या वतीने सांगितले. अंधाच्या या दिंडीत प्रवीण कठाळे, सोमनाथ अफून, प्रदीप खडसे, संतोष अंभोरे, अनंदा पांचाळ, आकाश अबुडारे, गुड्डू अबुडारे, कैलास यदुवंशी, हनुमान डाहाने, भीमराव पाईकराव, विनायक गाभणे आदी अंध बांधवांनी सहभाग घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.