Crime: वाहकाने तिकीटाचे पैसे मागितले, आधी शिवीगाळ, नंतर प्रवाशांचे धक्कादायक कृत्य, घटनेनं खळबळ

Latest Bidkin News: येथील नविन बसस्थानक परिसरात छत्रपती संभाजीनगर महानगरपालिकेच्या स्मार्ट बस च्या वाहकाला शिवीगाळ करत धिंगाणा घालुन मारहाण केल्याची घटना काल (ता.१३) मंगळवार रात्री उशिरा घडली आहे.

मागील काही‌ महिन्यांपासून फूलंब्री ते बिडकिन या ठिकाणी ये-जा करण्यासाठी छत्रपती संभाजीनगर महानगरपालिकेच्या वतीने स्मार्ट बस सुरू करण्यात आली आहे.निलजगाव रोडवरील नविन बसस्थानक परिसरात बिडकिन वरुन फुलंब्रीकडे प्रवासी वाहतूक करत असलेल्या बस क्रमांक एम एच २० इएल १९३२ चे वाहक रंजित सुंदर वाघ,वय.३५ वर्षे,वाहक, नेमणूक मुकुंदवाडी डेपो यांना तिकीटाची पैसे मागितले म्हणून बसमधील ०२ प्रवाशांनी मारहाण करत बसमध्ये धिंगाणा घालत वाहतुकीस अडथळा निर्माण केला आहे.

यातील आरोपी सिद्धार्थ भिवाजी जाधव, विशाल पांडुरंग बलांडे,दोघे रा.एन १२ डी,४१/६, स्वामी विवेकानंद नगर, टिव्ही सेंटर, छत्रपती संभाजीनगर यांनी मारहाण करत शिवीगाळ करून धिंगाणा घातला होता.याप्रकरणी वाहक रंजित सुंदर वाघ यांनी दिलेल्या फिर्यादीवरून सिद्धार्थ जाधव व विशाल बलांडे यांच्याविरोधात विविध कलमानुसार गुन्हा दाखल करण्याची प्रक्रिया रात्री उशिरापर्यंत सुरू होती. पुढिल तपास पोलिस निरीक्षक प्रमोद पाटील यांच्या मार्गदर्शनाखाली पोलिस कर्मचारी अमोल मगर हे करित आहेत.