शिवसेना आमदार अपात्रता प्रकरणाचा निकाल उद्या (१० जानेवारी) लागणार आहे. विधानसभा अध्यक्ष राहुल नार्वेकर ४ वाजता निकाल जाहीर करणार आहेत. त्यामुळे उद्धव ठाकरे की एकनाथ शिंदे कुणाचे आमदार अपात्र होणार? याकडे सर्वांचं लक्ष लागलं असतानाच ठाकरे गटाला बीडमध्ये मोठं खिंडार पडलं आहे.
४० वर्षापासून शिवसेना ठाकरे गटासोबत निष्ठावंत असलेले माजी जिल्हाप्रमुख अनिल जगताप यांनी सोडचिठ्ठी दिली आहे. आज (मंगळवारी) ते आपल्या हजारो कार्यकर्त्यांसह शिंदे गटात प्रवेश करणार आहे. मुख्यमंत्री एकनाथ शिंदे यांच्या उपस्थितीत हा पक्ष प्रवेश होणार आहे. दरम्यान, शिंदे गटात प्रवेश करण्यासाठी अनिल जगताप हे हजारो कार्यकर्त्यांसह मुंबईच्या दिशेने रवाना झाले आहेत.
जगताप यांनी मुंबईला जाण्यापुर्वी बीडमध्ये शक्तीप्रदर्शन केलं आहे. जवळपास ५०० गाड्या कार्यकर्त्यांना घेऊन मुंबईकडे रवाना झाल्या आहेत. अनिल जगताप यांचे बीडमध्ये मोठं नाव आहे. गेल्या अनेक वर्षांपासून ते बीडचे जिल्हाध्यक्ष म्हणून काम पाहत होते.
आता ते ठाकरे गट सोडून एकनाथ शिंदे यांच्या पक्षात प्रवेश करणार असल्याने उध्दव ठाकरेंना मोठा धक्का बसला आहे. सुषमा अंधारे यांच्या त्रासाला कंटाळून आपण पक्षप्रवेश करत असल्याचं जगताप यांनी जाहीर केलं आहे. आगामी निवडणुकांमध्येही याचा परिणाम होण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
