सबस्क्राईब करा
जालना जिल्ह्यातील अंतवरली सराटी गावामध्ये गेल्या चार दिवसांपासून उपोषण करत असलेल्या मराठा आंदोलकांवर पोलिसांनी काल (शुक्रवारी) लाठीचार्ज केल्याची घटना घडली. या घटनेमुळे आंदोलकांनी आक्रमक होऊन पोलिसांवर दगडफेक सुरु केली. परिसरात मोठ्या प्रमाणवार जाळपोळ झाली. यामध्ये काही आंदोलक आणि पोलीस देखील जखमी झाले आहेत. या घटनेचे तीव्र पडसाद राज्यभर उमटताना दिसत आहेत. या घटनेच्या पार्श्वभूमीवर राजकीय वातावरणंही चांगलंच तापल्याचं दिसून आलं.
सकाळी अंतवरली सराटी गावामध्ये जाऊन छत्रपती संभाजीराजे यांनी आंदोलकांची भेट घेतली. या घटनेमध्ये जखमी झालेल्यांची भेट घेतली. रूग्णालयात जाऊन त्यांची चौकशी केली. तर या प्रकरणावर विरोधक सत्ताधाऱ्यांना धारेवर धरत आहेत. अशातच आता राष्ट्रवादीचे नेते शरद पवार आणि ठाकरे गटाचे प्रमुख उध्दव ठाकरे आज त्या गावांमध्ये जाऊन आंदोलकांची भेट घेणार आहेत. त्यांच्याशी चर्चा करणार आहेत.
दरम्यान राष्ट्रवादी काँग्रेसचे अध्यक्ष शरद पवार हे आज जालना जिल्ह्यातील अंतवरली सराटी गावाला भेट देणार आहेत. तसेच अंबड रुग्णालय भेट देऊन जखमींची विचारपूस करणार आहेत. त्याचबरोबर ते पत्रकार परिषद देखील घेणार आहेत.
त्याचबरोबर ठाकरे गटाचे प्रमुख उद्धव ठाकरे आज संध्याकाळी अंबड आणि आंतरवाली सराटी गावांना भेट देणार आहेत. मराठा आरक्षणासाठी आंदोलनकर्ते मराठा कार्यकर्त्यांना भेटणार आहेत. कालच पोलिसांनी केलेल्या लाठीमारामुळे मराठा समाजात तणावाचं वातावरण निर्माण झालेलं आहे. उद्धव ठाकरे पोलिसांच्या लाठीमारात जखमी झालेल्याची अंबड शासकीय हॅास्पिटलमध्ये जाऊन भेट घेणार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
