हजाराची लाच घेताना बिट जमादार अटकेत

गंगाखेड(जि.परभणी) : शेतीच्या वादाचे प्रकरण मिटविण्यासाठी एक हजार रुपयाची लाच घेताना बिट जमादार सुरेश बाजीराव पाटील यांना लाचलुचपत प्रतिबंधक विभागाने सोमवारी (ता.१५) रंगेहाथ पकडले.
पोलिस हवालदार रमेश बाजीराव पाटील (रा. पोलिस वसाहत, गंगाखेड) यांनी मालेवाडी (ता. गंगाखेड) येथे दहा जून रोजी तक्रारदार यांच्यासोबत त्यांच्या भावाचे शेतीच्या वादावरून भांडण झाले होते. गंगाखेड पोलिसात त्यांच्यावर तसेच त्यांचे दोन मुले व सून यांच्याविरुद्ध तक्रार दाखल केली होती. प्रकरणाचा तपास पोलिस जमादार सुरेश बाजीराव पाटील यांच्याकडे असल्यामुळे त्यांनी १३ जून रोजी तक्रारदारास पोलिस ठाणे येथे बोलावून सदरील प्रकरण मिटवून घेण्यासाठी एक हजार रुपये लाचेची मागणी केली. तक्रारदाराने लाचलुचपत प्रतिबंधक विभागाकडे तक्रार केली. लाचलुचपत प्रतिबंधक विभागाने सोमवारी दुपारी दीडच्या सुमारास सापळा रचून सुरेश बाजीराव पाटील यांना एक हजार रुपयांची लाच स्वीकारताना रंगेहात पकडले.

हेही वाचा :  शैक्षणीक साहित्याच्या बाजारपेठेतील किलबिलाट गायब !
 

हेही वाचा ...

धान्य काळा बाजारप्रकरणातील
आरोपींची चौकशी
गंगाखेड : धान्याच्या काळा बाजारातील मुख्य आरोपी विजय कुमार शर्मा याला सोमवारी (ता. १५) पोलिसांनी चौकशीसाठी ठाण्यात बोलावले होते.
शहरातील शनिवार बाजार परिसर येथील श्रद्धा ट्रेडिंग कंपनीतून रेशनचा गहू व तांदळाचा मोठ्या प्रमाणात काळा बाजार होत असल्याची माहिती पोलिसांना मिळाली होती. त्यानुसार पोलिस व महसूलच्या पथकाने ता. सहा जूनला छापा टाकला होता. या ठिकाणी तब्बल दहा लाख ८९ हजार रुपयांचा मुद्देमाल जप्त केला. आरोपी विजय कुमार शर्मा, ट्रकचालक मुरलीधर बेले यांच्यावर गुन्हा ता. आठ जून रोजी दाखल झाला. परंतु, मुख्य आरोपी विजयकुमार शर्मा तेव्हापासून फरार होता. सदरील प्रकरणात प्रशासकीय पातळीवरील अनेक घडामोडी घडल्या सदरील प्रकरणाचा तपास गंगाखेडऐवजी जिंतूरचे परीक्षाविधीन आयपीएस अधिकारी यांच्याकडे सोपवण्यात आला. त्यांनी या प्रकरणाची कसून चौकशी करून मुख्य आरोपीस ताब्यात घेऊन धान्याच्या काळ्या बाजारातील प्रकरण संदर्भात रात्री उशिरापर्यंत चौकशी सुरू होती.

हेही वाचा ...
 

हेही वाचा : पाऊस म्हटला की ‘चातक’ आलाच ! , नेमगिरीत बनले पर्यटकांचे आकर्षण
 

२८ नागरिकांवर दंडात्मक कार्यवाही
परभणी : मास वापरणाऱ्या व सामाजिक अंतर न राखणाऱ्या २८ नागरिकांवर कारवाई करून महापालिकेने दोन हजार आठशे रुपये दंड वसूल केला.
महापालिकेच्या प्रभाग समिती (अ ) अंतर्गत आयुक्त देविदास पवार यांच्या आदेशानुसार सहायक आयुक्त शिवाजी सरनाईक यांच्या मार्गदर्शनाखाली अपना कॉर्नर ते नटराज रंगमंदिर परिसरात वाहन चालकांनी मास्क न लावल्यामुळे एकूण दोन हजार क्ष ८०० रुपये दंड वसूल केला. यानंतर विनामास्क फिरू नये. पथक प्रमुख राजू झोडपे, मोहियोद्दिन जब्बार खान, दिलीप वाहुळे, किरण गायकवाड, मोहम्मद गौस, लक्ष्मीकांत गायकवाड यांच्या सहकार्याने कार्यवाही केली. शहरताील नागरिकांनी विनाकारण घराबाहेर फिरू नये, मास्कचा वापर करावा, सोशल डिस्टन्सिंगचा वापर करण्याचे आवाहन आयुक्त देविदास पवार यांनी केले आहे.
...