छत्रपती संभाजीनगर: राज्यातील कांदा उत्पादक शेतकरी कवडीमोल भाव मिळत असल्यामुळे बेजार आहे. कांदा सडतोय म्हणून त्याला तो रस्त्यावर फेकून द्यावा लागला. राज्य सरकारकडे आम्ही कांदा खरेदी करण्याची मागणी केली तर त्यांनी सपशेल नकार दिला.
आता आम्ही इथला कांदा तेलंगणात नेवून विकला, शेतकऱ्यांना चांगला भाव दिला, तर अनेकांच्या पोटात दुखत आहे.
सरकारची इज्जत गेली असे बोलले जाते. मग अकराशे रुपयांनी तुम्ही कांदा खरेदी करा, साडेतीनशे रुपये अनुदान शेतकऱ्यांच्या खात्यात टाका, नाही पाठवणार कांदा तेलंगणाला, अशा शब्दात बीआरएसचे समन्वयक माजी आमदार हर्षवर्धन जाधव यांनी राज्य सरकारला आवाहन केले आहे.
श्री. जाधव यांनी एक व्हिडिओ जारी करत आपल्यावर तेलंगणा राज्यात शेतकऱ्यांचा कांदा नेवून विकला म्हणून टीका केली जात असल्याचा आरोप केला आहे.
अनेकांच्या पोटात दुखायला लागलंय. पण आम्ही जेव्हा शेतकरी रस्त्यावर कांदा फेकून देत होतो, त्यावेळी महाराष्ट्र सरकारने तो खरेदी करावा, कांदा उत्पादकाला साडेतीनशे रुपये अनुदान द्यावे यासाठी आंदोलन केले, तर सरकारने स्पष्टपणे नकार दिला.
मग आम्ही शेतकऱ्यांना मदतीचा हात देत तेलंगणा सरकारशी बोलणी करून तिथल्या मार्केट कमिटीत ग्रेडनुसार कांद्याची विक्री अकराशे ते अठराशे रुपये भावात केली, तर सरकारला राग येण्याचे काय कारण? असा सवाल जाधव यांनी विचारला आहे.
तर आमच्यावर टीका करण्या आधी तुम्ही शेतकऱ्यांच्या कांद्याला अकराशे रुपये भाव द्या, जाहीर केलेले साडेतीनशे रुपये अनुदान त्यांच्या खात्यात जमा करा, मग आम्ही तेलंगणाला कांदा नेण्याचे बंद करतो असे जाधव यांनी म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
