वाळूज : भल्या पहाटेपासून बसच्या प्रतीक्षेत प्रवासी ताटकळत उभे असताना आलेली प्रत्येक बस न थांबता सरळ निघून जात होती. हा प्रकार तब्बल तीन तासांपासून सुरू होता. त्यामुळे संतप्त झालेल्या प्रवाशांनी गतिरोधकामुळे थांबलेली बस अडवली. तेव्हा बसचालक व वाहकांनी बोलावलेल्या पोलिसांच्या मध्यस्थीने प्रकरण मिटवत प्रवाशांना बसमध्ये बसू दिले. ही घटना वाळूज येथील लांझी चौकात घडली.