जालना - शहरातील मुलचंद भगवानदास व्यापारी संकुलनचे व्यापारी अलकेश बगडीया (वय ५६) यांनी स्वतःवर गोळी झाडून आत्महत्या करण्याचा प्रयत्न केला आहे. यात ते गंभीर जखमी झाले असून त्यांच्यावर छत्रपती संभाजीनगर येथील सिगमा हाॅस्पीटल येथे उपचार सुरू आहेत.
शहरात करवानगर येथे कपाड व्यापारी अलकेश बगडीया यांचे निवासस्थान आहे. सकाळी साडेनऊ वाजेच्या सुमारास त्यांनी स्वतःवार गोळी झाडून आत्महत्याचा प्रयत्न केला. यामध्ये गोळी त्यांच्या डोक्याचा चाटून गेल्याचे पोलिस सूत्रांकडून सांगितले जात आहे.
दरम्यान त्यांना नातेवाईकांनी तत्काळ उपचारासाठी छत्रपती संभाजीनगर येथे सिगमा हॉस्पिटल येथे उपचारासाठी दाखल केले. त्यांची प्रकृती स्थिर असल्याचे पोलिसांकडून सांगण्यात येत आहे.
दरम्यान शहरातील व्यापाऱ्यांनी स्वतःवर गोळी झाडून घेतल्यानंतर ही या घटनेची पोलिसांकडून आणि नातेवाईकांकडून गोपनीयता ठेवण्यात आली. घटनेची माहिती मिळाल्यानंतर उपविभागीय पोलिस अधिकारी आनंत कुलकर्णी, सदर बाजार पोलिस निरीक्षक संदीप भारती यांच्यासह पोलिस अधिकारी, कर्मचारी यांनी घटनास्थळी भेट दिली.
मात्र, नेकमी काय घटना घडली याची माहिती देण्यासाठी पोलिस आणि नातेवाई तयार नाहीत. त्यामुळे व्यापारी अलकेश बगडीया यांनी कौटुंबिक वादातून की व्यावसायिक कारणावरून स्वतःवर गोळी झाडून घेतली हे अद्यापि स्पष्ट झाले नाही. दरम्यान पोलिसांकडे अद्यापि या घटनेची कोणतीही नोंद नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.