कळंब (उस्मानाबाद): जिल्ह्यामध्ये १२ मे आणि १३ मे रोजी ११ लसीकरण केंद्रांवर कोव्हॅक्सिन लसीचा दुसरा डोस दिला जाणार आहे. त्या अनुषंगाने पाहिला डोस घेतलेल्या नागरिकांनी लसीकरण केंद्रावर तोबा गर्दी केली असल्याचे चित्र दिसून आले आहे. कळंबमध्येही लसीकरणासाठी केद्रांवर नागरिक मोठी गर्दी करताना दिसत आहेत. नियोजनाअभावी लसीकरण केंद्रेच सुपरस्प्रेडर बनत असल्याचे चित्र निर्माण झाले आहे.
ज्या लाभार्थ्यांचा कोव्हॅक्सिन लसीचा पहिला डोस घेऊन किमान २८ दिवस पूर्ण झालेले आहेत आशा लाभार्थ्यांना कळंबमध्ये नेमून दिलेल्या लसीकरण केंद्रांवर दुसरा डोस दिला जाणार आहेत. यामूळे नागरिकांनी पहाटे चार वाजताच रांगेत आपापला क्रमांक लावला होता. डोस देण्याची प्रक्रिया ही सकाळी नऊ वाजता सुरू होणार असतानाही पहाटेपासून लावलेल्या रांगेत जशी-जशी सकाळ होत होती तशी पुरुषांच्या व महिलांच्या स्वतंत्र रांगा ह्या अधिकच मोठ्या होत गेल्या आहेत.
या दुसऱ्या डोससाठी लाभार्थ्यांना ऑनलाईन बुकींग करण्याची आवश्यकता नसल्यामुळे लाभार्थ्यांना रांगा लावून डोस साठी प्रतीक्षा करावी लागत आहे. प्रत्यक्ष लसीकरण केंद्रांवर जाऊन ऑनस्पाॅट पद्धतीने त्यांचे व्हेरिफिकेशन आणि त्यानंतर लस देण्याबाबत कार्यवाही होणार असल्याने नागरिकांची धांदल उडाली होती.
लसीकरणाला जातेवेळी नागरिकांनी आधार कार्ड आणि पहिला डोस घेतला त्यावेळेसचे नोंदवलेले ओळखपत्र, तसेच प्रमाणपत्र अथवा मोबाईलवर प्राप्त झालेला मेसेज लसीकरण केंद्रांवर प्रक्रिया सुलभ होणे करिता सोबत बाळगावे असे प्रशासनाच्या वतीने कळविण्यात आले होते. या लसीकरण केंद्रांवर कोव्हॅक्सिन लसीचा पहिला डोस दिला जाणार नसल्याने काही नवीन लाभार्थी रांगेत उभे राहिले होते. डोस मिळणार नसल्याचे समजताच ते रांगेतून निघून गेले. तरीही कळंबमध्ये लसीकरण केंद्रावर मोठी गर्दी होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
