औरंगाबाद : कपड्यांचा व्यवसाय करण्यासाठी माहेराहून पैसे आण म्हणत विवाहितेला शिवीगाळ, मारहाण करून घराबाहेर हाकलून ठार मारण्याची धमकी दिल्याप्रकरणात आरोपी पतीची एक वर्षाच्या चांगल्या वर्तवणुकीच्या हमीवर व 15 हजारांच्या वैयक्तिक बंधपत्रावर अटी व शर्तींसह मुक्तता करण्याचे आदेश प्रथमवर्ग न्यायदंडाधिकारी एच. एस. पुराडउपाध्ये यांनी दिले. सय्यद रहीम सय्यद नवाब (26, रा. मुजीब कॉलनी) असे आरोपीचे नाव आहे.
शिरीन सय्यद रहीम हिने या प्रकरणात तक्रार दिली होती. त्यानुसार पतीसह तिच्या सासरकडच्यांनी कपड्यांच्या व्यवसायासाठी माहेराहून 20 हजार रुपये आण असा तगादा लावला होता. त्यामुळे ही बाब पीडितेने माहेरी सांगितली. त्यानुसार आरोपींना 20 हजार रुपये देण्यात आले; मात्र आरोपींनी आणखी 50 हजार रुपयांची मागणी केली. त्याला पीडितेने नकार दिला.
त्यामुळे आरोपींनी तिचा छळ सुरू केला. 22 सप्टेंबर 2015 ला दुपारी 4 वाजता घरगुती कारणावरून पीडितेला तिच्या सासूने शिवीगाळ व मारहाण केली; तर पती सय्यद रहीम याने "तू माहेराहून व्यवसायासाठी पैसे का आणत नाही' म्हणत मारहाण केली व घराबाहेर काढले, तसेच ठार मारण्याची धमकीही दिली.
या प्रकरणात जिन्सी पोलिस ठाण्यात गुन्हा दाखल करण्यात आला. खटल्याच्या सुनावणीवेळी सहायक सरकारी वकील अशोक सोनवणे यांनी पाच साक्षीदारांचे जबाब नोंदविले. दोन्ही बाजूंच्या युक्तिवादानंतर व साक्ष-पुराव्यांवरून न्यायालयाने आरोपी सय्यद रहीम याला दोषी धरून कलम 323 अन्वये वरीलप्रमाणे शिक्षा ठोठाविली. तसेच दंडाच्या रकमेपैकी 7 हजार रुपये नुकसानभरपाई म्हणून पीडितेस देण्याचे आदेश न्यायालयाने दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.