Marathwada Corona Update: मराठवाड्यात २१० नवे कोरोना रुग्ण, तीन मृत्यू

औरंगाबाद: Marathwada Corona Update: मराठवाड्यात बुधवारी (ता.१८) २१० जणांच्या कोरोना चाचणीचा अहवाल पॉझिटिव्ह आला. उपचारादरम्यान तीन रुग्णांचा मृत्यू झाला. आजही बीड जिल्ह्यातच सर्वाधिक १०० रुग्ण आणि दोन मृत्यूची नोंद झाली. त्या पाठोपाठ उस्मानाबाद जिल्ह्यात ४५ रुग्ण आढळले. कोरोनाची दुसरी लाट ओसरली आहे. त्यामुळे बीड आणि उस्मानाबाद जिल्हा वगळता मराठवाड्यातील इतर जिल्ह्यातील रुग्णसंख्याही कमी होत आहे.

बुधवारी परभणी आणि हिंगोली जिल्ह्यात प्रत्येक एक रुग्ण आढळला. या दोन्ही जिल्ह्यात मृत्यूची नोंद झाली नाही. नांदेड जिल्ह्यात सात जणांच्या कोरोना चाचणीचा अहवाल पॉझिटिव्ह आला. एका रुग्णाचा मृत्यू झाला. लातूर जिल्ह्यात २२ नवे रुग्ण आढळले.

औरंगाबाद जिल्ह्यात मृत्यूची नोंद झाली नाही. १६ नवीन रुग्णांची भर पडली. जालना जिल्ह्यात १८ रुग्णांची भर पडली तर १ रुग्ण उपचारानंतर कोरोनामुक्त झाला आहे. जिल्ह्यात आतापर्यंत कोरोनामुळे १ हजार १८४ जणांचा बळी गेलेला आहे. जिल्ह्यात एकूण ६१ हजार ६८० बाधितांपैकी आतापर्यंत ६० हजार ४१८ रुग्ण उपचारानंतर कोरोनामुक्त झाले आहेत. सध्या जिल्ह्यात ७८ सक्रिय रुग्णांवर उपचार सुरू आहेत.