बीड : बनावट प्रॉपर्टी कार्ड तयार करून नगरपालिकेच्या मालकीचे भूखंड विक्री करण्याचा प्रकार बीडमध्ये उघडकीस आला. या प्रकरणात शासनाची ६० लाख ८२ हजार रुपयांची फसवणूक केल्यावरून पाच जणांवर गुन्हा दाखल करण्यात आला. या प्रकरणात आरोपी असलेल्या अ‍ॅड.अशोक शेटे याला शिवाजीनगर पोलिसांनी अटक केली असता न्यायालयाने त्याला पोलिस कोठडी सुनावली आहे.
बीड नगर पालिकेच्या मालकीच्या प्लॉट क्रमांक ९३ व ९६ या भूखंडाची २० लाख रुपयांमध्ये तसेच नगर परिषदेच्या वॉर्ड क्रमांक एकमधील गट तीन मधील मालमत्ता क्रमांक १ - ३ -२१५० हा १८ लाख ४० हजार रूपयांत आपसात खरेदी-विक्री केला. यासाठी आरोपींनी भूमी अभिलेख कार्यालयाचे बनावट प्रॉपर्टी कार्ड तयार करून शासनाची ६० लाख ८२ हजार रुपयांची फसवणूक केल्याचा प्रकार ता. आहे.
सात एप्रिल २०२२ ते एक एप्रिल २०२३ या कालावधीत घडला. या प्रकरणी राजेंद्र ऊर्फ अंबरिश देविदास काटे यांच्या फिर्यादीवरून अशोक देवराव शेटे, मिनाबाई अशोक शेटे (दोघे रा.नाट्यगृहासमोर, बीड), साधना बाळु शिंदे, बाळु सर्जेराव शिंदे (रा.पालवण, ता.जि.बीड) आणि बाळासाहेब आबासाहेब ढोले (रा.शहेंशाह नगर, बीड) यांच्याविरुद्ध शिवाजीनगर पोलिस ठाण्यात गुन्हा दाखल झाला.
या प्रकरणाचा तपास सहाय्यक पोलिस निरीक्षक श्री. गुरले हे करीत आहेत. श्री. गुरले यांनी आरोपी अ‍ॅड. अशोक शेटे याला अटक करून न्यायालयासमोर हजर केले असता न्यायालयाने चार एप्रिलपर्यंत पोलिस कोठडी सुनावली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
