parbhani : लोअर दूधना धरणातून ६०६० क्युसेसने नदी पात्रात विसर्ग सुरू

सेलू : लोअर दूधना प्रकल्प धरणात १८१.७८० दलघमी जिवंत जलसाठा जमा झाला असून जिवंत साठा टक्केवारी ७५. ०५ टक्के इतका उपलब्ध झाल्याने धरणाच्या सहा दरवाजे प्रत्येकी ०.३० मीटरने उचलून दूधना नदि पात्रात ६०६० क्युयेसने विसर्ग करण्यात येत आहे.

लोअर दूधना प्रकल्पात होत असलेली पाण्याची आवक लक्षात घेता जलाशय प्रचलन आराखड्यानुसार रविवारी (ता.११) रोजी सकाळी नऊ वाजता प्रकल्पाचे सहा दरवाजे प्रत्येकी ०.३० मीटरने उचलून दूधना नदीपात्रात ६०६० क्युसेसने विसर्ग सोडण्यात आला आहे. त्यामुळे नदीपात्रातील पाणी पातळी वाढून पूरस्थिती होण्याची शक्यता नाकारता येत नाही.

तरी नदीकाठच्या गावांना सतर्क राहण्या बाबत तसेच नदीपात्रात कुणीही जाऊ नये, पाळीव प्राणी, गुरेढोरे, विद्युत मोटारी तसेच इतर तत्सम साहित्य इत्यादी तत्काळ काढून घ्यावेत. धरणात पाण्याची होणारी आवक पाहता विसर्ग कमी अथवा जास्त करण्याची कार्यवाही करण्यात येईल. नदी काठच्या गावांनी सतर्क राहावे असे आवाहन दुधना प्रकल्प धरण पूर नियंत्रण कक्षाच्या वतिने करण्यात आले आहे.