बिडकिन : पैठण तालुक्यातील बिडकिन पोलिस ठाणे हद्दीतील पान रांजणगाव येथील शेतवस्तीवर मोठी घरफोडी झाली असल्याची घटना आज दि.२५ रोजी दुपारच्या १२:३० ते १:३० वाजेच्या सुमारास घडली आहे.
शेतात राहत असलेले बद्रीनाथ काशिनाथ नरवडे यांच्या राहत्या घरात अज्ञात चोरट्यांनी धुमाकूळ घालत सोने व रोख रक्कम चोरी केली आहे.याबाबत घटनेची माहिती मिळताच पोलिस निरीक्षक प्रमोद पाटील, सहायक पोलिस निरीक्षक नारायण गिते, सहायक फौजदार अशोक सोकटकर, पोलिस हेड कॉन्स्टेबल सुनिल कानडे यांनी घटनास्थळी धाव घेत पंचनामा करत श्वानपथक व ठस्से तज्ञ यांना पाचारण केले होते.पानरांजणगाव गावालगत असलेल्या शेतात राहत असलेल्या नरवडे कुटुंब हे शेतात काम करीत असताना हा प्रकार घडला असल्याची माहिती बद्रीनाथ नरवडे यांनी दिली आहे.
आज दुपारच्या सुमारास घराला लावलेली कुलुप आणि दरवाज्याचा कडी व कोंडा तुटलेल्या अवस्थेत तर दरवाजा उघडा दिसल्याचे निदर्शनास आले असता घरात जाऊन पाहणी केली असता कपाटातील सोन्याची ऐवज आणि रोख रक्कम लंपास झाले असल्याची माहिती हि नरवडे यांनी पोलिसांनी दिली आहे.सदरच्या घटनेने पान रांजणगाव व परिसरात भितीचे वातावरण निर्माण झाले आहे. बिडकिन पोलिस ठाणे येथे शेतकरी बद्रीनाथ नरवडे यांच्या फिर्यादीवरून गुन्हा दाखल करण्याची प्रक्रिया सुरू झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
