विमा काढण्यासाठी काही अडचण असल्यास तालुकास्तरावर पीक विमा प्रतिनिधी यांची नियुक्ती केलेली आहे.
खामगाव : प्रधानमंत्री पीक विमा योजनेत (PM Crop Insurance Yojana) शेतकऱ्यांनी (Farmers) 1 रुपयात विमा हप्ता भरून सहभागी व्हावे, असे आवाहन तालुका कृषी विभागाच्या वतीने करण्यात आले आहे.
अतिवृष्टी, वादळ, पूर या नैसर्गिक आपत्तींमुळे (Natural Calamities) पिकांच्या होणाऱ्या नुकसानीपासून शेतकऱ्यांना आर्थिक संरक्षण देण्याच्या दृष्टीकोनातून ही योजना राबविण्यात येत आहे. त्यामुळे चालू वर्षात या योजनेत मोठ्या संख्येने सहभागी होण्याचे आवाहन कृषी मंत्री धनंजय मुंडे (Dhananjay Munde) यांनी केले आहे.
योजनेत सहभागासाठी अंतिम मुदत १५ जुलै ही आहे. खरीप २०२४ हंगामात पेरण्या सुरू झाल्या आहेत. शेतकऱ्यांना विमा योजनेत सहभाग घेण्यासाठी केंद्र शासनाने पीकविमा पोर्टल www.pmfby.gov.in सुरू करण्यात आले आहे. शेतकऱ्यांनी एक रुपया भरून आपल्या पिकाचा विमा घ्यावा, असे आवाहन केले आहे. तसेच विमा काढण्यासाठी काही अडचण असल्यास तालुकास्तरावर पीक विमा प्रतिनिधी यांची नियुक्ती केलेली आहे, आपण त्यांच्याशी संपर्क करू शकता, असेही नमूद केले आहे.
योजनेमध्ये खामगाव तालुक्यात खरीप कापूस, सोयाबीन, तूर, मूग, मक्का, ज्वारी ही पिके समाविष्ट आहेत. या सर्व पिकांचा विमा आपण प्रती अर्ज 1 रुपयात काढू शकता. आवश्यक कागदपत्रे आधार कार्ड, बँक पासबुक, सातबारा, पिक पेरा स्वयंघोषणापत्र ही कागदपत्रे देऊन आपण आपला विमा स्वतः पोर्टल वरून किंवा सीएससी सेंटर व बँकमधून काढू शकता, असे तालुका कृषी अधिकारी निमकर्डे यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
