जालना : परतूर तालुक्‍यातील वीज उपकेंद्राच्या लोकार्पण सोहळ्यात आक्षेपार्ह वक्तव्य चांगलेच व्हायरल झाल्यानंतर माजी पाणी पुरवठा मंत्री बबनराव लोणीकर यांनी व्हीडीओ संदेश तयार करुन सारवासारव केली आहे. माझ्या वाक्‍याचं भांडवल करू नका, हिरोईन या शब्दाचा अर्थ डॅशिंग आणि कर्तबगार महिला असा होतो. असे म्हणत रविवारी (ता.2) सारवासारव करण्याचा प्रयत्न केला आहे.
परतूर येथील कार्यक्रमाची ऑडीओ क्‍लिप व्हायरल झाल्यानंतर माजी मंत्री बबनराव लोणीकर यांनी सारवासारव करण्याचा प्रयत्न केला आहे. त्यांनी या वक्तव्यांच स्पष्टीकरण दिले असून मी वाईट अर्थाने तहसीलदारांना हिरोईन म्हणालो नसून हिरोईन या शब्दाचा अर्थ डॅशिंग आणि कर्तबगार महिला असा होतो.
तहसीलदार या डॅशिंग महिला अधिकारी असून त्यांना मी वाईट हेतूनं हिरोईन म्हणालो नाही. विरोधकांनी माझ्या वक्तव्याचं भांडवल न करता गुगल वर जाऊन हिरोईन या शब्दाचा अर्थ तपासावा. असं सांगत बबनराव लोणीकर यांनी प्रसिद्धी माध्यमाना गुगलच्या सर्च इंजिन वर जाऊन हिरोईन या शब्दाचा अर्थ काढणारे व्हिडीओ देखील पाठवले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.