Beed News : विजेच्या तीव्र धक्क्यात शेतकऱ्यासह दोन बैल ठार; शेतात कोळपणी करताना दुर्घटना

किल्लेधारूर (बीड) : शेतात सोयाबीन पिकाच्या अंतर मशागतीचे काम करत असताना विजेचा तीव्र धक्का (Electric Shock) बसल्याने एक शेतकरी (Farmer) व दोन बैल ठार झाल्याची घटना (ता. १) रोजी सकाळी अकरा वाजेदरम्यान धारूर तालुक्यातील संगम येथे घडली.

बाळासाहेब बाबासाहेब डापकर (वय ४०, रा. संगम ता. धारूर) मयत शेतकऱ्याचे नाव असून सकाळी ११ वाजेच्या दरम्यान शेतात कोळपणी करत असताना दोन सालगड्यांसह बाळासाहेब डापकर शेतात असलेल्या विजेच्या खांबा जवळील तारेला लोखंडी कोळपेचा स्पर्श झाल्याने विजेचा तीव्र धक्का बसला.

नेत शेतकऱ्यांसोबत दोन सालगडी होते. या दोघांना पाच ते दहा फुटापर्यंत फेकले गेले. यावेळी शेतकरी बाळासाहेब डापकर यांना व दोन्ही बैलांना विजेचा तीव्र धक्का बसल्याने जागेवर मयत झाले असून माजलगाव येथील शासकीय रुग्णालयात शवविच्छेदनासाठी मृतदेह पाठवला आहे.