लॉकडाऊनमध्येही शेतकरी आत्महत्या सुरुच

नांदेड : सततची नापीकी व कर्जबाजारीपणाला कंटाळून एका शेतकऱ्याने वीष पीऊन आत्महत्या केली. ही घटना निळा (ता. लोहा) येथे ता. एक एप्रील रोजी घडली. 

लोहा तालुक्यातील निळा येथील शेतकरी समद सरवर सय्यद (वय ३८) यांच्या शेतात मागील काही वर्षापासून सतत नापीकी होत होती. त्यामुळे ते कर्जबाजारी झाले. शेतातील उत्पन्न घटल्याने त्यांनी काढलेल्या कर्जाची परतफेड करणे त्यांना जमत नव्हते. अखेर त्यांनी ता.एक एप्रील रोजी दुपारी दोनच्या सुमारास आपल्या घरी वीष पीऊन आत्महत्या केली. या प्रकरणाची माहिती सय्यद सादात सरवर यनी सोनखेड पोलिसांना दिली. यावरून पोलिसांनी आकस्मिक मृत्यूची नोंद केली आहे. तपास फौजदार श्री. परिहार करत आहेत. 

हेही वाचा - आळंदी येथील बंदोबस्ताचा अनुभव पाठीशी- एसपी विजयकुमार मगर

लॉकडाऊनमध्ये डाक विभागाची देशसेवा

घरपोच सेवा, गोरगरिबांना खरा आधार

नांदेड : बोधडी (ता. किनवट) येथील कोरोना योद्धा म्हणून ग्रामीण डाक सेवक हे लॉकडाउनमध्ये देखील ज्याचे हातावरचे पोट आहे असे गरीब, निराधार महिलांचे पेन्शनचे पैसे नागरिकांच्या दारा- दारात जाऊन वाटप करीत आहेत. 

विविध योजनांचे पैसे दारावर

सध्या पोस्ट विभागात जनधन योजनाचे खातेधारक महिलांच्या खात्यावर केंद्र व राज्य सरकार पैसे त्यांच्या खात्यावर जमा करीत आहेत. ग्रामीण भागात याचे भार ग्रामीण डाक सेवकांवर असून डाक विभागाने ग्राहकांसाठी सोशल डिस्टनस पाळत पैसे वाटप करत असल्याची गर्दी दिसून येत आहे.
सर्व जिल्ह्यात आॅटो, वाहन बंदी असल्याकारणाने ग्रामीण भागातील नागरिक, निराधार लाभार्थी, जेष्ठ नागरिक लाभार्थी, मातृत्व वंदना लाभार्थी, जनधन योजना लाभार्थी पैसे उचलण्याची मोठ्या प्रमाणात गर्दी करीत असल्याचे चित्र दिसत असले तरी त्यामध्ये योग्य ते अंतर, ग्रहाकासाठी हॅन्ड वॉश, साबण ग्राहकांसाठी सुविधा उपलब्ध करून देण्यात आल्या तसेच डाक कर्मचाऱ्यांना मास्क तोंडावर लावून नियमांचे पालन करताना दिसून आले.

येथे क्लिक करा - ‘कोरोना’ कक्षास जिल्हाधिकारी डाॅ. इटनकर यांची भेट

डाक विभागाचे कौतुक

ग्रामीण भागातील व शहरी भागातील डाक कर्मचारी प्रत्येक नागरिकाच्या दारी जाऊन पैसे उचलण्याची सुविधा व देशसेवा या कोरोनाच्या महामारीत करीत असल्याने सर्वत्र पोस्ट कर्मचाऱ्यांचे व डाक विभागाचे कौतुक होत आहे.