उस्मानाबाद : मराठवाड्यातील उस्मानाबाद येथे वैद्यकीय महाविद्यालय उभारणार असल्याची घोषणा राज्याचे अर्थमंत्री तथा उपमुख्यमंत्री अजित पवार यांनी घोषणा केली आहे. यासाठी आरोग्य विभागास यंदा २ हजार ९०० कोटींची तरतूद करण्यात आली आहे. आज सोमवारी (ता.आठ) राज्याचे २०२१-२२ वर्षासाठी अर्थसंकल्प अर्थमंत्री पवार यांनी विधानसभेत सादर केले. त्यासाठी आरोग्य विभागास यंदा २९०० कोटी रुपयांची मंजूर करण्यात आले आहे.
१५ वर्षांपासून मागणी
गेल्या अनेक वर्षांपासून उस्मानाबादमध्ये वैद्यकीय महाविद्यालय सुरु करावी अशी मागणी होत होती. त्यास आता मूर्त रुप मिळणार आहे. त्यामुळे येथील विद्यार्थ्यांना येथे वैद्यकीय शिक्षण घेता येणार आहे. त्यासाठी त्यांना पुणे, मुंबई किंवा औरंगाबादला जाण्याची गरज राहणार नाही. भाजप व शिवसेनेच्या सत्ता काळात तत्कालीन वैद्यकीय मंत्री गिरीश महाजन यांनी वैद्यकीय महाविद्यालयाची घोषणा केली होती. वैद्यकीय शिक्षणमंत्री अमित देशमुख, खासदार ओमप्रकाश राजेनिंबाळकर, आमदार कैलास पाटील यांच्या पाठपुराव्याला यश आले आहे.
त्या दिशेने पाऊल उचलत अधिष्ठाता (डीन) यांची नेमणूक राज्य सरकारने केली आहे. यामुळे पुढील वर्षापासून शैक्षणिक प्रवेश प्रक्रिया सुरु होण्याचा मार्ग सुकर झाला आहे. उस्मानाबाद जिल्हा रुग्णालयाजवळ नवीन बिल्डिंग तयार आहे. तत्कालीन पालकमंत्री मधुकर चव्हाण यांनीही या सुविधा तयार व्हाव्यात यासाठी काम केलेले होते. गेल्या अनेक वर्षांपासून उस्मानाबादकरांची वैद्यकीय महाविद्यालयाची मागणी होती. ती आता पूर्ण होईल.
Edited - Ganesh Pitekar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.