पाचशे लिटर गावठी दारू जप्त

नांदेड : लॉकडाऊनच्या काळात दारुबंदी असल्याचा फायदा घेत गावठी दारूचे उत्पादन करुन ते विक्रीच्या तयारीत असलेल्या चिकाळा तांडा (ता. मुखदेड) येथे उत्पादन शुल्क विभागाने मंगळवारी (ता. १४) धाड टाकली. यात ५१० लिटर गावठी दारुसह अडीचशे लिटर ताडी, दहा दुकाकी व एक ॲटो असा एकूण सात लाख बारा हजाराचा एवज जप्त करण्यात आला.

दारुबंदीचा फायदा घेत गावठी दारुचे उत्पादन
कोरोना विषाणूचा संसर्ग वाढू नये यासाठी प्रशासनाने दारुबंदीचा निर्णय घेतला. या मुळे गावठी दारू काढणाऱ्यांची सध्या चंगळ होत आहे. जिल्ह्यात मुखेड तालुक्यातील कोडग्याळवाडी तांड्यावर नुकतीच धाड टाकून पोलिसांनी गावठी दारुसह दारू बनविण्यासाठी लागणारे साहित्य जप्त केले होते. यानंतर दारु काढणाऱ्यांना वचक बसली नाही.

हेही वाचा.....प्रशासनाच्या तत्परतेमुळे पर्यावरणाची टळली हानी

चिकाळा तांडा येथे अड्डा
अवैध वाहतुकीची तपासणी करत असताना मंगळवारी (ता. १४) मुदखेड तालुक्यातील चिकाळा तांडा येथे गावठी दारु काढून त्याची विक्री करत असल्याची माहिती उत्पादन शुल्क विभागाला मिळाली. या वरुन उत्पादन शुक्ल विभागाने कारवाइ केली. यात दारु काढणाऱ्याविरुध्द तेरा गुन्हे दाखल करुन एकूण १७ जनांना अटक केली आहे. यात यात आरोपींकडून ५१० लिटर हातभट्टी दारू, अडीचशे लिटर ताडी, दहा दुकाची, एक ॲटो असा एकूण सात लाख १२ हजार ५७० रुपयांचा मुद्देमाल जप्त करण्यात आला. 

हेही वाचलेच पाहिजे.....जिल्हाधिकारी कार्यालयात डॉ. आंबेडकर जयंती साजरी

जिल्हाधिकारी, उत्पादन अधीक्षकांची कारवाइ
ही कार्यवाही जिल्हाधिकारी डॉ. विपीन, उत्पादन शुल्क विभागाचे अधीक्षक निलेश सांगडे, निरीक्षक एस. एस. खंडेराय, एस. एम. बोदमवाड, श्री.कोतवाल, टी. बी. शेख, वाय. एस. लोळे, ए. के. शिंदे, के.के किरतवाड, यू. डी. राठोड, बी. एम. पवार, जी. व्ही. भालेराव आर. एस. बोदमवाड, संगेवार, जाधव यांच्या टिमने केली. 

गळफास घेवून तरुणाची आत्महत्या
विश्वनाथनगर येथीन राहुल देविदास जाधव (वय २०) या विद्यार्थ्याने खोब्रागडेनगर येथे छताला गळफास लावुन आत्महत्या केल्याची घटना रविवारी (ता. १२) सकाळी साडेअकरा वाजता घडली. या प्रकरणी पंकज भगवान कपुरगे यांनी दिलेल्या माहितीवरुन विमानतळ पोलिस ठाण्यात आकस्मात मृत्यूची नोंद करण्यात आली आहे. या प्रकरणाचा तपास पोलिस जमादार श्री मिटके करीत आहेत.