माजलगाव (जि.बीड) : शहरातील बसस्थानकाच्या स्वच्छतागृहाच्या परिसरात एक मृत अर्भक आज सोमवारी (ता.२५) सकाळी आढळून आल्याने खळबळ उडाली आहे. घटनास्थळी शहर पोलिसांनी धाव घेतली असून अर्भक माजलगाव ग्रामीण रुग्णालयात आणले आहे. येथील बसस्थानकाच्या परिसरामध्ये (Beed) कचऱ्याच्या ढिगाऱ्यावर सोमवारी सकाळी एक मृत अर्भक आढळून आले. याची माहिती मिळताच शहर पोलिसांनी घटनास्थळी धाव घेतली. अर्भक ताब्यात घेत माजलगाव (Majalgaon) ग्रामीण रुग्णालयात दाखल केले असून अर्भक स्त्री जातीचे की पुरुष जातीचे हे समजू शकले नाही.
5 ते 6 महिन्यांचे हे अर्भक असल्याची माहिती आहे. अर्भक कुणाचे आहे? कुणी फेकले आदी तपास शहर पोलीस ठाण्याचे निरीक्षक धनंजय फराटे यांच्या मार्गदर्शनाखाली सहायक पोलीस निरीक्षक लक्ष्मण केंद्रे, अविनाश राठोड, पोलिस जमादार तोटेवाड, ठेंगल, चालक श्रीमंत पवार, महिला कर्मचारी मिना काळे या पुढील तपास करत आहेत. या घटनेने शहरात खळबळ उडाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
